မက်ဆီသည် စက်တင်ဘာလ ၇ ရက်က အသင်းနှင့်ပြန်လည်ပူးပေါင်းပြီး လေ့ကျင့်ရေး ကွင်းသို့ ပထမဆုံးရောက်ရှိသူ ဖြစ်ခဲ့ကြောင်း သိရသည်။ မက်ဆီသည် ယခုနွေရာသီတွင် ဘာစီလိုနာအသင်းမှ ထွက်ခွာခွင့်ပေးရန် တောင်းဆိုခဲ့ပြီးမှ အသင်းတွင် ဆက်နေရန် ဆုံးဖြတ်ခဲ့ခြင်းဖြစ်ပြီး ရာသီသစ်မစမီ အသင်း နှင့် ပထမဆုံးအကြိမ် ပူးပေါင်းခြင်းလည်းဖြစ်သည်။
အင်တာမီလန်အသင်းသည် ယခုနွေ ရာသီအပြောင်းအရွှေ့ကာလအတွင်း ဘာစီလိုနာအသင်းခေါင်းဆောင် မက်ဆီကို ခေါ်ယူရန်အတွက် ဆွေးနွေးဖူးခြင်းမရှိကြောင်း နှင့် အသင်းတိုက်စစ်မှူး လော်တာရိုမာတီနက်ဇ်ကိုလည်း ရောင်းချရန် စကားပြောဖူးခြင်းမရှိကြောင်း အသင်းဥက္ကဋ္ဌ ဟာဗီယာဇနက်တီက အတည်ပြုခဲ့သည်။
“ကျွန်တော်တို့မှာ မက်ဆီကို ကမ်းလှမ်းနိုင်လောက်တဲ့ အခြေအနေ မရှိခဲ့ပါဘူး။ အသင်းရဲ့စျေးကွက်ဗျူဟာက ပထမဆုံး ကစားသမားရောင်းချပြီးမှ ပြန်ဝယ်တာပါ။ FFP စည်းမျဉ်းကို လေးစားရပါမယ်။ ဒါကြောင့် ဆွေးနွေးဖို့ အကြောင်း မရှိပါဘူး။ သူလည်းပဲ အမြဲတမ်းပြောခဲ့ပါတယ်။ ဘာစီလိုနာက သူ့ရဲ့အိမ်၊ မိသားစုနဲ့ ဘယ်လိုအဆုံးသတ်မလဲဆိုတာတွေပါ။ လော်တာရိုမာတီနက်ဇ်နဲ့ပတ်သက်ပြီး အင်တာနဲ့ ဘာစီလိုနာအကြား ဆွေးနွေးမှု လုံးဝမရှိပါဘူး။ သူလည်း အသင်းမှာပျော်နေတယ်ဆိုတာ သိပါတယ်”ဟု ဇနက်တီက TyC Sports သို့ ပြောကြားခဲ့သည်။
မက်ဆီသည် စက်တင်ဘာလ ၇ ရက်က အသင်းနှင့်ပြန်လည်ပူးပေါင်းပြီး လေ့ကျင့်ရေး ကွင်းသို့ ပထမဆုံးရောက်ရှိသူ ဖြစ်ခဲ့ကြောင်း သိရသည်။ မက်ဆီသည် ယခုနွေရာသီတွင် ဘာစီလိုနာအသင်းမှ ထွက်ခွာခွင့်ပေးရန် တောင်းဆိုခဲ့ပြီးမှ အသင်းတွင် ဆက်နေရန် ဆုံးဖြတ်ခဲ့ခြင်းဖြစ်ပြီး ရာသီသစ်မစမီ အသင်း နှင့် ပထမဆုံးအကြိမ် ပူးပေါင်းခြင်းလည်းဖြစ်သည်။
မက်ဆီသည် အသင်းနှင့် ပြန်လည်ပူးပေါင်းသည့်နေ့၌ လေ့ကျင့်ကွင်းသို့ အစောဆုံး ရောက်ရှိသူဖြစ်ခဲ့သလို၊ နည်းပြသစ် ရော်နယ်လ်ကိုးမန်းနှင့် တွေ့ဆုံပြီးနောက် သီးသန့် လေ့ကျင့်မှုပြုလုပ်ခဲ့ကြောင်း သိရသည်။ ဘာစီလိုနာအသင်းသည် စနေနေ့တွင် ရာသီကြို ခြေစမ်းပွဲ ယှဉ်ပြိုင်ကစားရန် စီစဉ်ထားသည်။
