PSG အသင်းသည် ဘာစီလိုနာအသင်း နှင့်အနာဂတ်မတည်မငြိမ်ဖြစ်ခဲ့သည့် နာမည်ကျော်ဘောလုံးသမား မက်ဆီကို ခေါ်ယူရန် စိတ်ဝင်စားသည်ဟု အသင်းအားကစားဒါ ရိုက်တာ လီယိုနာဒိုက အတည်ပြုပြောကြားခဲ့သည်။
ထို့ပြင် ၎င်းက ပြီးခဲ့သည့်နွေရာသီ အပြောင်းအရွှေ့ကာလက ဘာစီလိုနာအသင်းမှ ထွက်ခွာရန်နီးစပ်ခဲ့သည့် မက်ဆီကို ခေါ်ယူရန် စိတ်ဝင်စားခဲ့သည်ဟုလည်း ပြင်သစ်ဘောလုံးမဂ္ဂဇင်းနှင့် အင်တာဗျူးတွင် ဝန်ခံခဲ့သည်။
မက်ဆီသည် ဘာစီလိုနာအသင်းနှင့် စာချုပ်သက်တမ်း ခြောက်လသာကျန်ရှိတော့ပြီး လက်ရှိအချိန်တွင် မည်သည့်အသင်းနှင့် မဆို အပြောင်းအရွှေ့အတွက် လွတ်လပ်စွာ ဆွေးနွေးခွင့်လည်းရှိနေသည်။ “မက်ဆီလို ကစားသမားကောင်းတွေဟာ PSG အသင်း ရဲ့စာရင်းမှာ အမြဲတမ်းရှိနေပါတယ်။ ဒါပေမဲ့ အခုချိန်က ဒီအကြောင်းပြောနေရမယ့် အချိန်မဟုတ်ပါဘူး။ ပြီးတော့ အိပ်မက်လည်း မမက်သင့်ပါဘူး” ဟု လီယိုနာဒိုက ပြောကြားခဲ့သည်။
ထို့ပြင် လီယိုနာဒိုက အသင်း၏အဓိကတိုက်စစ်ကစားသမားမျာဖြစ်သည့် ဘာပေ နှင့် နေမာတို့မှာလည်း စာချုပ်သက်တမ်းတိုး ပြီး အသင်းတွင် ဆက်ကစားသွားဖွယ်ရှိသည်ဟုလည်း မှတ်ချက်ပြုခဲ့သည်။ ဘာပေနှင့် နေမာတို့၏ လက်ရှိစာချုပ်များမှာ ၂၀၂၂ ခုနှစ် တွင် သက်တမ်းကုန်ဆုံးမည်ဖြစ်ပြီး အခြား ဥရောပထိပ်တန်းကလပ်အသင်းများနှင့်လည်း သတင်းများ မကြာခဏထွက်ပေါ်လျက်ရှိသည်။
လီယိုနာဒိုက PSG အသင်းမှာဘာပေ နှင့် နေမာတို့အတွက် နေရာကောင်းဖြစ်သည်ဟုလည်း ပြောကြားခဲ့သည်။
