ဘောလုံးလောကသည် ဗိုင်းရပ်စ်ပြဿနာတွင် ခြွင်းချက်ထားမခံရသင့်ဘဲ ပွဲများရပ်သင့်လျှင် ရပ်ရမည်ဟု ဂွါဒီယိုလာ မှတ်ချက်ပြု

မန်စီးတီးနည်းပြ ဂွါဒီယိုလာက ကမ္ဘာတစ်ဝန်းဗိုင်းရပ်စ်ပြဿနာဖြင့် ရင်ဆိုင်နေရချိန်တွင် ဘောလုံးလောကသည် ခြွင်းချက်မထားခံရသင့်ဟု ယူဆနေပြီး ဒုတိယအကြိမ် ပွဲများရပ်ဆိုင်းသင့်လျှင် ရပ်ဆိုင်းရမည်ဟု မှတ်ချက်ပြုခဲ့သည်။

ကိုရိုနာဗိုင်းရပ်စ်ကြောင့် လူမှုအဖွဲ့အစည်းအမျိုးမျိုးနှင့် စီးပွားရေး လောကများတွင် အခက်အခဲမျိုးစုံရင်ဆိုင်နေရပြီး ဘောလုံးလောကမှာမူ အစိုးရထံမှ အထူးကင်းလွတ်ခွင့်ရသကဲ့သို့ ဖြစ်နေသည်။

ဗြိတိန်ဝန်ကြီးချုပ် ဘောရစ်ဂျွန်ဆင်သည် ဗြိတိန်တစ်ဝန်း (၄)ပတ်ကြာ Lockdown ချသည်ဟု ကြေညာခဲ့သော်လည်း ပရီးမီးယားလိဂ်ပြိုင်ပွဲကိုမူ ပရိသတ်မပါဘဲ ဆက်လက်ကျင်းပနိုင်သည်ဟု ခွင့်ပြုချက်ပေးခဲ့သည်။

ဂွါဒီယိုလာက ”အခြေအနေတွေ ဆိုးလာတာကြောင့် ဝန်ကြီးချုပ်က ဒီဆုံးဖြတ်ချက်ကို ချခဲ့ရပြီး ဒါက ခက်ခဲပါတယ်။ ဒါက စပိ်န်၊ ဂျာမနီ၊ ပြင်သစ်တို့မှာလည်း ဖြစ်နေတယ်။ နေရာတိုင်းမှာပါပဲ။ ဒါကြောင့် ဘောလုံးဟာလည်း လူ့အဖွဲ့အစည်းမှာ ဖြစ်နေတာကြောင့် ခြွင်းချက်ရသင့်တယ်လို့ ကျွန်တော်ကတော့ မထင်ပါဘူး။ ကစားရမယ်ဆိုရင် ကျွန်တော်တို့ ကစားမှာပါပဲ။ ဒါပေမဲ့ ကျွန်တော်တို့ဟာ တခြားလူ့မှုအဖွဲ့အစည်းတွေနဲ့ မကွဲပြားမခြားနားလိုပါဘူး။ စား သောက်ဆိုင်တွေ ပိတ်သလိုပေါ့။ ဒါက တခြားသူတွေအတွက် မတရားပါဘူး။ လူတချို့က လုပ်ချင်တာကို လုပ်နေရပြီး တချို့က Lockdown မိနေရတာပါ။ ဘာပဲဖြစ်ဖြစ် ကျွန်တော်တို့ သတိမပြတ်ထားရပါမယ်။ ရပ်တန့်ဖို့လိုလာတဲ့အခါ တကယ်ရပ်ပစ်ရပါမယ်”ဟု မီဒီယာများသို့ ပြော ကြားခဲ့သည်။