ချန်ပီယံလိဂ်ကွာတားဖိုင်နယ်ပွဲစဉ်တွင်ဆုံတွေ့မည့် PSG အသင်းတိုက်စစ်မှူး ဘာပေ၏ဒဏ်ရာအတွက် အတ္တလန်တာအသင်းနည်းပြ ဂတ်စ်ပါရီနီ စိတ်မကောင်းဖြစ်နေကြောင်း သိရသည်။
ဘာပေသည် စိန့်အက်တီယန်အသင်းနှင့်ကစားခဲ့သည့် ပြင်သစ်ဖလားဗိုလ်လုပွဲစဉ်တွင် ခြေချင်းဝတ်ဒဏ်ရာရရှိခဲ့ခြင်းဖြစ်သည်။
ဘာပေသည် စိန့်အက်တီယန်အသင်းနှင့် ပြင်သစ်ဖလားဗိုလ်လုပွဲစဉ်အပြီး အောင်ပွဲခံအခမ်းအနားသို့ ချိုင်းထောက်ဖြင့် ရောက်ရှိလာပြီး အသင်းဖော်များနှင့်အတူ အောင်ပွဲခံခဲ့သော်လည်း ဇူလိုင်လ (၂၅)ရက်၌ ထုတ်ပြန်ခဲ့သော PSG အသင်း၏ ကြေညာ ချက်တွင် ဘာပေ၏ဒဏ်ရာမှာ စိုးရိမ်ရကြောင်း၊ (၇၂)နာရီကြာ ဆရာဝန်နှင့်စောင့်ကြည့်ပြီးမှ တိကျသည့်အဖြေသိရှိမည်ဖြစ်ကြောင်း ဖော် ပြပါရှိသည်။
အတ္တလန်တာအသင်းနည်းပြ ဂတ်စ်ပါရီနီက ”ကျွန်တော် စိတ်မကောင်းဖြစ်ရပါတယ်။ ဘာပေက ကစားသမားကောင်းတစ်ဦးပါ။ သူ့ ရဲ့ဒဏ်ရာမပြင်းထန်ဖို့ ကျွန်တော် မျှော်လင့်နေပါတယ်။ ကျွန်တော်တို့အသင်းက ပြိုင်ဘက်အသင်းတွေ ကံဆိုးမိုးမှောင်ကျလို့ အနိုင်ရတာမျိုး မလိုချင်ပါဘူး။ ပြိုင်ဘက်အသင်းမှာ ဘာပေလိုကစားသမားမျိုး ပါဝင်ကစားပြီး အဲဒီလိုအသင်းမျိုးကို အနိုင်ရရင် နိုင်ပွဲက ပိုပြီးကြီးမြတ်ပါတယ်”ဟု ပြောကြားခဲ့သည်။
ဘာပေသည် လက်ရှိရာသီ ချန်ပီယံလိဂ်တွင် (၇)ပွဲကစားထားပြီး (၅)ဂိုးသွင်းယူထားကာ ဂိုးဖန်တီးမှု (၄)ကြိမ် ပြုလုပ်ထားသည်။
