တောင်ကိုရီးယားအသင်းနှင့် ဂိုးသွင်းပြီးနောက် ကပြီးအောင်ပွဲခံခဲ့သည့် ဘရာဇီးလ် ကစားသမားများ၏ အပြုအမူသည် ပြိုင်ဘက်အသင်းအပေါ် လေးစားမှုမရှိခြင်းဖြစ်သည်ဟု ကွင်းလယ်ကစားသမားဟောင်းနှင့် ITV ရုပ်သံဝေဖန်သူ ရွိုင်ကင်းက ပြစ်တင်ဝေဖန်ခဲ့သည်။
“ကျွန်တော် ဘာကို စောင့်ကြည့်နေသလဲဆိုတာ တွေးပြီး ယုံတောင်မယုံနိုင်ဘူး။ ဘရာဇီးလ်အသင်းဟာ လက်ဖျားခါလောက်ပါတယ်။ ပွဲစတင်ချိန်ကနေပြီး တောင်ကိုရီးယားကို နေရာအနှံ့ လွှမ်းမိုးထားနိုင်တာ အလွန်ကောင်းပါတယ်။ ဒီလောက်ကနေတာကို ကျွန်တော် မမြင်ဖူးဘူး။ အစီအစဉ်တကျ ကြည့်နေရသလိုပဲ။ တောင်ကိုရီးယားအသင်းကို စာနာပါတယ်။ ဒီလိုကတာကို ကျွန်တော် မကြိုက်ပါဘူး။ ဒါဟာ ယဉ်ကျေးမှုအကလို့ ကျွန်တော် သိပါတယ်။ ဒါပေမဲ့ ပြိုင်ဘက်ကို မလေးစားတဲ့အပြုအမူလို့ ယူဆပါတယ်။ ဒီကစားသမားလေးယောက်က ဂိုးသွင်းပြီးတိုင်း ကနေကြတယ်။ ပြီးတော့ မန်နေဂျာပါ လိုက်ကနေတယ်။ ဒီအပြုအမူအတွက် ကျွန်တော် မပျော်ပါဘူး။ ဒါက အားလုံးအဆင်ပြေမယ့်အရာလို့လည်း မမြင်မိပါဘူး”ဟု ရွိုင်ကင်းက ဝေဖန်ခဲ့သည်။
ရွိုင်ကင်း၏သုံးသပ်ချက်အပေါ် လီဗာပူးလ်အသင်းနည်းပြဟောင်း ဂရေမီဆောင်းနက်စ်က ထောက်ခံမှုများ ပြုလုပ်ခဲ့သည်။ ထို့ပြင် အင်္ဂလန်အမျိုးသမီးဘောလုံးသမားဟောင်း အလူကိုကမူ ၎င်းတို့နှစ်ဦး၏သဘောထားနှင့် ဆန့်ကျင်ပြီး ယင်းအကကို ချစ်ခင်နှစ်သက်ကြောင်း ပြောကြားခဲ့သည်။
