လက်စတာအသင်းနည်းပြ ဘရန်ဒန်ရော်ဂျာက အင်္ဂလန်လက်ရွေးစင်နောက်ခံလူ ချီဝဲလ်ကို ရောင်းချမည်မဟုတ်ကြောင်း ပြီးခဲ့သည့်ဇူလိုင်လအတွင်း ပြောကြားထားသော်လည်း ချယ်လ်ဆီးအသင်းအနေဖြင့် ယခုရက်သတ္တပတ် အစောပိုင်းမှာပင် အပြီးသတ်ခေါ်ယူနိုင်ဖွယ်ရှိကြောင်း ဗြိတိန်မီဒီယာများက ဖော်ပြနေခြင်းဖြစ်သည်။
လာမည့်ရာသီအတွက် ပြင်ဆင်မှုများစွာ ပြုလုပ်နေသည့် ချယ်လ်ဆီးအသင်းသည် လက်စတာအသင်း ဘယ်နောက်ခံလူ ဘင်ချီဝဲလ်ကိုခေါ်ယူရန် နီးစပ်နေပြီဖြစ်ကြောင်း ဗြိတိန်သတင်းဌာနများစွာက ဖော်ပြလျက် ရှိသည်။
![](https://sportsmyan.com/wp-content/uploads/2020/08/ben-chilwell-liece-1024x536.jpg)
လက်စတာအသင်းနည်းပြ ဘရန်ဒန်ရော်ဂျာက အင်္ဂလန်လက်ရွေးစင်နောက်ခံလူ ချီဝဲလ်ကို ရောင်းချမည်မဟုတ်ကြောင်း ပြီးခဲ့သည့်ဇူလိုင်လအတွင်း ပြောကြားထားသော်လည်း ချယ်လ်ဆီးအသင်းအနေဖြင့် ယခုရက်သတ္တပတ် အစောပိုင်းမှာပင် အပြီးသတ်ခေါ်ယူနိုင်ဖွယ်ရှိကြောင်း ဗြိတိန်မီဒီယာများက ဖော်ပြနေခြင်းဖြစ်သည်။
![](https://sportsmyan.com/wp-content/uploads/2020/08/kai-havertz-1024x536.jpg)
ချီဝဲလ် (၂၃ နှစ်) ၏ စာချုပ်မှာ ၂၀၂၄ ခုနှစ်အထိ ကျန်ရှိနေသော်လည်း ကစားသမားကိုယ်တိုင် ထွက်ခွာခွင့်ပြုရန် တောင်းဆိုပါက ရောင်းချရဖွယ်ရှိပြီး ပြောင်းရွှေ့ကြေး ပေါင်သန်း ၅၀ ဝန်းကျင် ပေးချေရနိုင်ကြောင်း သိရသည်။ ထို့ပြင် ချယ်လ်ဆီးအသင်းသည် ဂျာမနီကွင်းလယ် ကြယ်ပွင့် ကိုင်ဟာဗက်ဇ်ကိုခေါ်ယူရန် ဆွေေးနွေးနေကြောင်း သတင်းများထွက်ပေါ်လျက်ရှိသော်လည်း လေဗာကူဆင်အသင်း အားကစားဒါရိုက်တာ ရူဒီဗောင်လာက ၎င်းအတွက် ကိုရိုနာလျှော့စျေးရမည်မဟုတ်ကြောင်း ထပ်မံသတိပေးပြောကြားခဲ့သည်။
![](https://sportsmyan.com/wp-content/uploads/2020/08/soccer-specific-stadium-1024x536.jpg)
“ကိုရိုနာဖြစ်နေချိန်မှာ ကစားသမားအများစုရဲ့ ပြောင်းရွှေ့ကြေးတွေက လျော့ကျသွားနိုင်ပါတယ်။ ဒါပေမဲ့ ကိုရိုနာဖြစ်ဖြစ်၊ မဖြစ်ဖြစ် ဟာဗက်ဇ်၊ ဂျေဒန်ဆန်ချိုတို့လို ကစားသမားတွေအတွက် အဲဒီလိုကိစ္စမျိုးမရှိပါဘူး။ သူတို့အတွက် ကိုရိုနာလျှော့စျေးဆိုတာ မရှိပါဘူး။ တကယ်လို့ နောက်ထပ်တစ်နှစ် သူဆက်ရှိနေမယ်ဆိုရင်လည်း ကျွန်တော်တို့ ဝမ်းသာမှာပါ” ဟု ရူဒီဗောင်လာက Sport Buzzer သတင်းဌာနသို့ ပြောကြားခဲ့သည်။