မဟာပြိုင်ဘက်(၂)ဦးဖြစ်သည့် စီရော်နယ်လ်ဒိုနှင့် မက်ဆီသည် ၂၀၂၄ Riyadh Season Cup ဖိတ်ခေါ်ပွဲစဉ်တွင် ထပ်မံတွေ့ဆုံကြဦးမည်ဖြစ်ကြောင်း သိရသည်။
အင်တာမိုင်ယာမီအနေဖြင့် Riyadh Season Cup ပွဲစဉ်များအဖြစ် နှစ်ပွဲကစားရန် သဘောတူခဲ့ပြီး ဇန်နဝါရီ(၂၉)ရက်တွင် ဆော်ဒီပရိုလိဂ် အမှတ်ပေးဇယားကို ဦးဆောင်နေသည့် အယ်လ်ဟီလာ၊ ဖေဖော်ဝါရီ (၁)ရက်တွင် အမှတ်ပေးဇယားဒုတိယနေရာတွင် ရှိနေသည့် အယ်လ်နာဆာနှင့် ယှဉ်ပြိုင်ကစားမည်ဖြစ်သည်။
မက်ဆီနှင့် စီရော်နယ်လ်ဒိုသည် ကလပ်နှင့် နိုင်ငံလက်ရွေးစင်အသင်းပွဲများတွင် (၃၅)ကြိမ်အထိ တွေ့ဆုံဖူးပြီး မက်ဆီ၏အသင်းများက (၁၆)ပွဲအထိအနိုင်ရကာ စီရော်နယ်လ်ဒို၏အသင်းများက (၁၀)ပွဲသာ အနိုင်ရခဲ့သည်။
ကျန်(၉)ပွဲမှာမူ သရေရလဒ် ထွက်ပေါ်ခဲ့ပြီး မက်ဆီက (၂၁)ဂိုးသွင်း၊ (၁၂)ဂိုးဖန်တီးခဲ့ကာ စီရော်နယ်လ်ဒိုက ဂိုး (၂၀)သွင်း၊ တစ်ဂိုးသာ ဖန်တီးခဲ့သည်။
