ရီကာဒိုကာလာဖီအိုရီဟာ မနေ့ညက ပြင်သစ်နဲ့ပွဲစဉ်မှာ နာကျင်နေပုံရတဲ့ ဒဏ်ရာတစ်ခုရခဲ့ပေမယ့် နည်းပြကတော့ စိုးရိမ်စရာမရှိဘူးလို့ ပြောခဲ့ပါတယ်။
အသင်းကြီးနှစ်သင်းကြား အကြိတ်အနယ် ကစားခဲ့တဲ့ ပွဲစဉ်အတွင်း တစ်ဂိုးစီသရေရလဒ်သာ ရရှိခဲ့ပါတယ်။
ဒုတိယပိုင်းမှာတော့ ကာလာဖီအိုရီတစ်ယောက် ဒမ်ဘီလီနဲ့ ထိခိုက်မိပြီး ဒဏ်ရာရရှိသွားခဲ့တာပါ။
ဒဏ်ရာပြဿနာများနေတဲ့ အာဆင်နယ်အတွက် ကာလာဖီအိုရီရဲ့ဒဏ်ရာက စိုးရိမ်စရာဖြစ်ခဲ့ရပါတယ်။
အီတလီနောက်ခံလူဟာ ချက်ချင်းဆိုသလို လူစားလဲခံခဲ့ရပေမယ့် နည်းပြ စပယ်လင်္ကတီကတော့ ကြီးမားတဲ့ ဒဏ်ရာမဟုတ်တာကြောင့် တနင်္လာည အစ္စရေးနဲ့ပွဲမှာ ပြန်ပါလာနိုင်မယ်လို့ ပြောခဲ့ပါတယ်။
စပယ်လက်တီက “ရီကာဒိုရဲ့ဒဏ်ရာကို စစ်ဆေးဖို့ လိုအပ်ပေမယ့် သူ လာမယ့်ပွဲမှာ ပြန်ပါလာနိုင်ခြေရှိတယ်လို့ ဆေးအဖွဲ့က ပြောထားပါတယ်။”လို့ ပြောခဲ့ပါတယ်။
ဒီသတင်းက လာမယ့်အပတ်ကနေ စတင်ပြီး ပွဲကြပ်တွေ ဆက်တိုက်ကစားရတော့မယ့် အာဆင်နယ်အတွက် သတင်းကောင်းဖြစ်စေခဲ့ပါတယ်။
အာဆင်နယ်အသင်းဟာ စက်တင်ဘာ၁၅ရက်နေ့မှသာ ပွဲကစားရမှာဖြစ်ပေမယ့် လကုန်အထိ ပရီးမီးယားလိဂ်၊ ချန်ပီယံလိဂ်၊ ကာရာဘောင်ဖလားပွဲစဉ်တွေကို ဆက်တိုက်ကစားရမှာ ဖြစ်ပါတယ်။
