ပရီးမီးယားလိဂ် သတင်းတိုများ
- အာဆင်နယ်အသင်းသည် ဘာစီလိုနာအသင်း၏ ကွင်းလယ်လူ ကော်တင်ဟို၏ အပြောင်းအရွှေ့အတွက် ဆွေးနွေးလိုသော်လည်း ဘိုင်ယန်မြူးနစ်အသင်းနှင့်အတူ ချန်ပီယံလိဂ်ပွဲကစားနေသဖြင့် ဆက်လက်စောင့်ဆိုင်းရဦးမည်ဖြစ်သည်။
- မန်ယူအသင်း၏ နည်းပြဖြစ်သူ ဆိုးလ်ရှားက သူသည် အသင်းမှ ဂိုးသမားတစ်ဦးချင်းစီတိုင်းကို ပျော်ရွှင်အောင်ထားနိုင်မည်မဟုတ်ဟု ဝန်ခံခဲ့ပြီး အဓိကဂိုးသမားနေရာရမှ ပြန်လာလိုသည့် ဒင်းန်ဟန်ဒါဆန်အား ဆက်လက် အငှားချထားဖွယ်ရှိနေသည်။
- ခရစ္စတယ်ပဲလေ့စ်အသင်းသည် အသင်း၏ ဘယ်လ်ဂျီယံဝါရင့်တိုက်စစ်မှူး ဘန်တီကီအား ရောင်းထုတ်ရန် စီစဉ်နေပြီး ၎င်းအတွက် ပြောင်းရွှေ့ကြေးကို ပေါင်(၈)သန်း သတ်မှတ်ခဲ့ကြောင်း သိရှိရသည်။
- စပါးအသင်းသည် ဆောက်သမ်တန်အသင်း၏ ဒိန်းမတ်လက်ရွေးစင် ကွင်းလယ်လူ ဟိုဘီယက်အား စာချုပ်ခေါ်ယူနိုင်ရန် နီးစပ်နေပြီဖြစ်ကြောင်း သိရှိရသည်။
- ရှက်ဖီးယူနိုက်တက်အသင်းသည် ဝီဂန်အသင်း၏ အမေရိကန်လက်ရွေးစင် ဘယ်နောက်ခံလူ အန်တိုနီရော်ဘင်ဆင်အား ပေါင်(၁.၅)သန်းခန့်ဖြင့် ခေါ်ယူနိုင်ရန် နီးစပ်နေပြီဖြစ်သည်။
- လိဒ်စ်ယူနိုက်တက်အသင်းသည် လာမည့်အပြောင်းအရွှေ့ကာလတွင် ရိုမေးနီးယားလက်ရွေးစင်တိုက်စစ်မှူး စတန်စီယူအပါအဝင်ကစားသမား (၅)ဦး ခန့်ခေါ်ယူရန် စိတ်ဝင်စားနေကြောင်း သိရှိရသည်။
- အာဆင်နယ်အသင်းသည် ကွင်းလယ်လူ တော်ရဲရားအား ရောင်းထုတ်ရန် စီစဉ်နေကြောင်း သိရှိရသည်။
- တန်းဆင်းသွားသည့် ဘုန်းမောက်အသင်း၏ ဝေးလ်စ်ကွင်းလယ်လူ ဒေးဗစ်ဘရွတ်ခ်အား ခေါ်ယူရန် လီဗာပူးလ်၊ အဲဗာတန်၊ စပါးနှင့် ဝက်စ်ဟမ်းအသင်းတို့က အပြိုင်စိတ်ဝင်စားနေကြကြောင်း သိရှိရသည်။
Advertisment
