လီဗာပူးလ်အသင်းပိုင်ရှင် ဂျွန်ဟင်နရီက ၎င်းတို့ ပိုင်ဆိုင်ခဲ့သည့် (၁၀)နှစ်အတွင်း ပရီးမီးယားလိဂ်ဖလားကို ပထမဆုံးအကြိမ် ရယူနိုင်ခဲ့သည့်အတွက် ဂုဏ်ယူကြောင်းနှင့် စိတ်လှုပ်ရှားစရာကောင်းသည့် ဆယ်စုနှစ်ကို ဖြတ်သန်းခဲ့ရ ကြောင်း ထုတ်ဖော်ပြောကြားခဲ့သည်။
ဂျွန်ဟင်နရီ ဦးစီးထူထောင်ထားသည့် Fenway Sports Group သည် လီဗာပူးလ်အသင်းကို ၂၀၁၀ ခုနှစ်၊ အောက်တိုဘာလတွင် ပေါင်သန်း(၃၀၀)ဖြင့် ဝယ်ယူခဲ့ခြင်းဖြစ်ပြီး (၁၀)နှစ်အကြာ၌ အသင်း၏သမိုင်းတစ် လျှောက် ပထမဆုံးအကြိမ်အဖြစ် ပရီးမီးယားလိဂ်ချန်ပီယံဆုကို ရယူနိုင်ခဲ့ခြင်းဖြစ်သည်။
ထို့ကြောင့် ဂျွန်ဟင်နရီက ဂုဏ်ယူကြောင်း ပြောကြားခဲ့ခြင်းဖြစ်ပြီး နည်းပြ ယာဂန်ကလော့ပ်ကိုလည်း အလွန်ပြောင်မြောက်သည့် စွမ်းဆောင်မှုဖြစ်ကြောင်း ချီးကျူးခဲ့သည်။
ဂျွန်ဟင်နရီက ” ဒါဟာ နှစ်ရှည်လများ စောင့်ခဲ့ရတဲ့အရာပါ။ ယာဂန်ကလော့ပ်က ကျွန်တော်တို့အားလုံးကို စိတ်လှုပ်ရှားအောင် လုပ်ဆောင်နိုင်ခဲ့ပါတယ်။ လီဗာပူးလ်ပရိသတ်တွေလည်း ဂုဏ်ယူဝမ်းမြောက်လိမ့်မယ်လို့ မျှော်လင့်ပါတယ်။ အင်္ဂလန်ရဲ့ချန်ပီယံ၊ ဥရောပရဲ့ချန်ပီယံ၊ ကလပ်ကမ္ဘာ့ဖလားနဲ့ စူပါဖလားတွေ ရယူနိုင်ခဲ့တာကတော့ အလွန်ထူးခြားပြောင်မြောက်တဲ့ စွမ်းဆောင်မှုပါပဲ။ ဒီလိုအောင်မြင်မှုတွေ ရယူနိုင်ခဲ့တဲ့ အဖွဲ့အစည်းတစ်ခုထဲမှာ အစိတ်အပိုင်းတစ် ရပ်အဖြစ် ပါဝင်ခဲ့တာကလည်း ကျွန်တော့်ဘဝမှာ အထူးခြားဆုံးမှတ်တမ်းတစ်ခုပါပဲ”ဟု ပြောကြားခဲ့သည်။
ဂျွန်ဟင်နရီသည် ယာဂန်ကလော့ပ်နှင့် ကစားသမားများကိုလည်း မက်ဆေ့ချ်ပို့၍ ကျေးဇူးတင်စကားဆိုခဲ့ကြောင်း သိရသည်။
