အာဆင်နယ် – ဘရိုက်တန် (တနင်္ဂနွေည ၉း၃၀ နာရီ)
ဘရိုက်တန်က နောက်ဆုံကစားခဲ့တဲ့ နှစ်ပွဲမှာ အမှတ်လိုနေတဲ့ ဝက်စ်ဟမ်းကို သရေ ကစားခဲ့ပြီး၊ အမှတ်မလိုပေမဲ့ နိုင်ပွဲတွေဆက်တိုက်ယူပြီး ခြေစွမ်းပြနေတဲ့ ချန်ပီယံမန်စီး တီးကိုလည်း အနိုင်ကစားခဲ့တယ်။ အသင်းလိုက်ခြေစွမ်း၊ တစ်ဦးချင်းခြေစွမ်း အပြစ်ပြောစ ရာမရှိသလို၊ မာကျောတဲ့အသင်းလည်းဖြစ်တယ်။ အာဆင်နယ်အိမ်ကွင်းဆိုပေမဲ့ ခက် ခဲမယ့် ပွဲတစ်ပွဲပါ။ အာဆင်နယ်ခက်ခက်ခဲခဲ ကစားရမယ်။ သရေလည်းကျသွားနိုင်တယ်။
အက်စတွန်ဗီလာ – ချယ်လ်ဆီး (တနင်္ဂနွေည ၉း၃၀ နာရီ)
အက်စတွန်ဗီလာက ရာသီကုန်ခါနီးမှာ ဂရီးလစ်ရှ်ပြန်ပါလာတယ်။ အသင်းက ရလဒ်တွေ သိပ်မကောင်းပေမဲ့ ခြေစွမ်း ပိုင်းကတော့ အမြဲတမ်းမာကျောပြီး အားကောင်းတယ်။ ဂရီးလစ်ရှ်ပြန်ပါလာတဲ့အတွက်လည်း ချယ်လ်ဆီးအတွက် ပိုခက်ခဲ သွားနိုင်တယ်။ ချယ်လ်ဆီးက နောက်ဆုံးကစားခဲ့တဲ့ ပရီးမီးယားလိဂ်ပွဲစဉ်တွေမှာ ရလဒ်ကောင်းတွေ ယူနိုင်ခဲ့ပြီး အာဆင်နယ်ကို ရှုံးခဲ့တဲ့ ပွဲတုန်းကလည်း နိုင်ပွဲရသင့်တဲ့ခြေစွမ်းမျိုးကို ပြသနိုင်ခဲ့တယ်။ လက်ရှိအနေအထားအရဆိုရင် ချယ်လ်ဆီးရဲ့ အခြေ အနေက ဗီလာကို ခက်ခက်ခဲခဲ ကစားရနိုင်ပေမဲ့ နိုင်ပွဲကိုတော့ မျှော်လင့်လို့ ရပါတယ်။ အရေးကြီးတာက ချန်ပီယံလိဂ်ဗိုလ် လုပွဲကစားဖို့ ရှိနေတဲ့အတွက် အသင်းရဲ့ အာရုံက ဒီပွဲအပေါ် အပြည့်အဝရှိ၊ မရှိဆိုတာနဲ့ လက်စတာ၊ လီဗာပူးလ်တို့နဲ့ အပြိုင် ဖြစ်နေတဲ့ ပြေးလမ်းမှာလည်း ဖိအားအများကြီး ဝင်မနေဖို့ပါပဲ။ ဗီလာက ခြေစွမ်းကောင်းပေမဲ့ ပုံမှန်အားဖြင့်တော့ အိမ်ကွင်း ပွဲစဉ်တွေမှာ ရလဒ်ပိုင်းကျဆင်းနေတာကို တွေ့ရတယ်။ ချယ်လ်ဆီး နိုင်ပွဲယူနိုင်လိမ့်မယ်။
ဖူလ်ဟမ် – နယူးကာဆယ် (တနင်္ဂနွေည ၉း၃၀ နာရီ)
ဖူလ်ဟမ်က နောက်ဆုံးကစားခဲ့တဲ့ပွဲမှာ မန်ယူကို သရေကစားခဲ့တယ်။ ဒါပေမဲ့ ဖူလ်ဟမ်ရဲ့ ခြေစွမ်းက ကျနေပြီး၊ တစ်ပွဲကောင်းပဲ ဖြစ်ဖို့များတယ်။ နယူးကာဆယ်က ပို မာကျောပြီး တည်ငြိမ်တယ်။ ခံစစ်အားပြုကစားဟန်နဲ့ အသင်းတစ်သင်းရဲ့ တိုက်စစ်ဂိုး သွင်းနှုန်းကလည်း နောက်ပိုင်းပွဲတွေမှာ အံ့သြစရာကောင်းလောက်အောင် မြင့်တက်နေ တာ တွေ့ရတယ်။ နယူးကာဆယ်ကိုကြိုက်တယ်။
လိဒ်စ် – ဝက်စ်ဘရွန်း (တနင်္ဂနွေည ၉း၃၀ နာရီ)
တန်းတက်လာတဲ့ အသင်း(၃)သင်းထဲမှာ လိဒ်စ်တစ်သင်းပဲ ထိုက်ထိုက်တန်တန် ကျန်ခဲ့ပြီး ကျန်နှစ်သင်းက တန်းဆင်းသွားခဲ့တယ်။ ဒီနှစ်သင်းထဲမှာ ဝက်စ်ဘရွန်းလည်း ပါ တယ်။ ခြေစွမ်းပိုင်းက လိဂ်ချန်ပီယံရှစ်မှာ သိပ်မကွာပေမဲ့ ပရီးမီးယားလိဂ်မှာတော့ လိဒ်စ် က အများကြီး ပိုကောင်းသွားတယ်။ လိဒ်စ်ရဲ့ ရာသီပိတ်ရလဒ်ပိုင်းကလည်း အံ့သြစရာ ကောင်းလောက်အောင် ကောင်းမွန်နေလို့ လိဒ်စ်ပဲ နိုင်ပွဲဆက်လိမ့်မယ်။
လက်စတာ – စပါး (တနင်္ဂနွေည ၉း၃၀ နာရီ)
လက်စတာရဲ့အခြေအနေက ကိုယ့်ကြမ္မာ ကိုယ်ဖန်တီးခွင့်မရှိတဲ့ အခြေအနေဖြစ်သွားတယ်။ ဒီပွဲမှာ စပါးကိုသာ ရှုှုံးခဲ့ရင် လာမယ့်ရာသီချန်ပီယံလိဂ်ဝင်ခွင့်အိပ်မက်က လုံးဝဇာတ်သိမ်းသွားပါပြီ။ နိုင်ခဲ့ရင်တောင် ချယ်လ်ဆီးနဲ့ လီဗာပူးလ်တို့ရဲ့ ရလဒ် ကို စောင့်ကြည့်ရမယ့်အနေအထားမှာ လက်စတာအနေနဲ့ အနိုင်ရဖို့ ကြိုးစားရုံအပြင် မရှိဘူးလို့ပဲ ပြောရမယ်။ စပါးကလည်း ဥရောပဝင်ခွင့်အတွက် အမှားခံမှာမဟုတ်ဘူး။ လက်ရှိခြေစွမ်းအရဆိုရင် သိပ်မကွာဘူးလို့ ပြောလို့ရပြီး လက်စတာကလည်း နောက်ဆုံး (၅)ပွဲမှာ အမှတ်တွေ လျော့ခဲ့တာတွေ့ရတယ်။ လူငယ်တွေနဲ့ မန်ယူကို အနိုင်ရခဲ့ပြီး၊ ချယ်လ်ဆီးကိုတော့ FA ဗိုလ် လုပွဲမှာ နိုင်၊ ချန်ပီယံလိဂ်ဝင်ခွင့်လုပွဲမှာ ရှုံးခဲ့တာကိုတွေ့ရတယ်။ စပါးက အဝေးကွင်းနောက်ဆုံးပွဲမှာတုန်းက လိဒ်စ်ကို အပြတ် အသတ်ရှုံးခဲ့ပြီး ခြေစွမ်းလည်း မယှဉ်နိုင်ခဲ့ဘူး။ ဒါပေမဲ့ လက်စတာကို ဒုက္ခပေးနိုင်တဲ့ ခြေစွမ်း၊ လူအင်အား၊ တစ်ဦးချင်းအဆုံး အဖြတ်ပေးနိုင်သူတွေနဲ့ ပြည့်စုံပါတယ်။ လက်စတာအသင်း အမှတ် အရမ်းလိုနေပေမဲ့ သရေလောက်ပဲ ရမယ်ထင်တယ်။
လီဗာပူးလ် – ခရစ္စတယ်ပဲလေ့စ် (တနင်္ဂနွေည ၉း၃၀ နာရီ)
လီဗာပူးလ်အတွက်တော့ ဆောက်သမ်တန်နဲ့ပွဲကစပြီး နိုင်ပွဲတွေတောက်လျှောက် ယူနိုင်ခဲ့တဲ့အကျိုးဆက်ကြောင့် ကိုယ့်ကံကြမ္မာကိုယ် စီရင်ပိုင်ခွင့်ရသွားပြီး၊ ဒီပွဲကိုသာ အ နိုင်ကစားခဲ့ရင် ချယ်လ်ဆီးနဲ့ လက်စတာတို့ရဲ့ ရလဒ်တွေကို စောင့်ကြည့်စရာမလိုဘဲ ချန် ပီယံလိဂ်ဝင်ခွင့်ရပါပြီ။ ခရစ္စတယ်ပဲလေ့စ်ရဲ့တိုက်စစ်ကို လျှော့တွက်လို့မရတဲ့အတွက် ခံစစ် ကလည်း အမှားမကျူးလွန်ဖို့လိုမယ်။ ဂိုးမပြတ်ရင်တောင် လီဗာပူးလ် ကပ်နိုင်ပါလိမ့်မယ်။
မန်စီးတီး – အဲဗာတန် (တနင်္ဂနွေည ၉း၃၀ နာရီ)
မန်စီးတီးက အမှတ်မလိုတော့ဘူး။ ချန်ပီယံလိဂ်ဗိုလ်လုပွဲကစားဖို့ ရှိတယ်။ ဒီအချိန် က ဂွါဒီယိုလာရဲ့စိတ်ကြိုက်ကစားသမားတွေကို အနားပေးထားရမယ့် အချိန်လည်းဖြစ် တယ်။ ဒါပေမဲ့ ဂွါဒီယိုလာ ပုံမှန်နေရာမပေးတဲ့ ကစားသမားတွေနဲ့တောင် မန်စီးတီးရဲ့အင် အားက တောင့်တင်းလွန်းပါတယ်။ အဲဗာတန်အတွက် ရာသီပိတ်မန်စီးတီးကွင်းမှာ နိုင်ပွဲ ယူဖို့ မျှော်လင့်ချက်မရှိသလို၊ သရေခံကစားဖို့လည်း မဖြစ်နိုင်လောက်ဘူး။
ရှက်ဖီးယူနိုက်တက် – ဘန်လေ (တနင်္ဂနွေည ၉း၃၀ နာရီ)
ပြီးခဲ့တဲ့ရာသီတုန်းက ရှက်ဖီးယူနိုက်တက်က ပိုကောင်းခဲ့ပေမဲ့ ဒီရာသီမှာတော့ ဘန်လေက အများကြီးပိုကောင်းတယ်။ မာကျောမှုရော၊ တစ်ဦးချင်းစွမ်းရည်ပါ သာတယ်။ အမြင့်ဘောတွေကိုလည်း ပီပီပြင်ပြင်ကစားနိုင်တယ်။ ကစားပုံ ဆွဲဆောင်မှုသိပ်မရှိတဲ့ အ သင်းတွေထဲက နှစ်သင်းဖြစ်ပြီး လက်ရှိရလဒ်ပိုင်းကတော့ သိပ်မကွာဘူး။ ဒါပေမဲ့ ဘန်လေ ကိုပဲ ပိုကြိုက်တယ်။
ဝက်စ်ဟမ်း – ဆောက်သမ်တန် (တနင်္ဂနွေည ၉း၃၀ နာရီ)
ဆောက်သမ်တန်က ခြေပြန်တက်လာခဲ့ပြီးမှ နောက်ဆုံးကစားခဲ့တဲ့ပွဲမှာ လိဒ်စ်ကို အိမ်ကွင်းမှာ ရှုံးပွဲတွေ့ခဲ့တယ်။ အသင်းလိုက်ခြေစွမ်းရော၊ တစ်ဦးချင်းခြေစွမ်းပါ ကောင်း တဲ့အသင်းဖြစ်လို့ ဝက်စ်ဟမ်းအတွက်တော့ ခက်ခက်ခဲခဲ ကစားရမယ့် အသင်းလည်းဖြစ် တယ်။ မနှစ်က ဝက်စ်ဟမ်းက နှစ်ကျော့စလုံးအနိုင်ယူခဲ့ပြီး ဒီရာသီလည်း ဝက်စ်ဟမ်းက ပိုကောင်းပါတယ်။ လက်ရှိအခြေအနေအရလည်း ဝက်စ်ဟမ်း အနိုင်ကစားမယ်ထင်တယ်။
ဝုလ်ဗ် – မန်ယူ (တနင်္ဂနွေည ၉း၃၀ နာရီ)
အမှတ်မလိုတဲ့အသင်းနှစ်သင်းရဲ့ ပွဲဖြစ်တယ်။ ဝုလ်ဗ်က အိမ်ကွင်းနောက်ဆုံးပိတ်ပွဲ ဖြစ်သလို၊ နည်းပြနူနိုအတွက် အသင်းကို နှုတ်ဆက်မယ့်ပွဲလည်းဖြစ်တယ်။ မန်ယူလိုအ သင်းကြီးတစ်သင်းကို အနိုင်ကစားပြီး နှုတ်ဆက်ဖို့အတွက် အစွမ်းကုန်ပြင်ဆင်ထားလိမ့် မယ်။ ယူရိုပါလိဂ်ဗိုလ်လုပွဲကစားမယ့် မန်ယူကတော့ လီဗာပူးလ်ကိုကစားခဲ့သလို လူစာ ရင်းမျိုးပဲ ဖြစ်လိမ့်မယ်။ ဝုလ်ဗ်ကို ကြိုက်တယ်။
