မန်ယူက နေရာစုံ တိုးတက်လာတဲ့အထဲမှာ ခံစစ်ပိုင်းလည်းပါတယ်။ တိုက်စစ်မှာ ဂိုးတွေသွင်းနေတာ၊ ကစားပုံလှတာ၊ ဘရူနိုဖာနန်ဒက်စ်ခြေစွမ်းပြနေတာတွေက ဖုံးလွှမ်းနေလို့ ခံစစ်ပိုင်းရဲ့စွမ်းဆောင်ရည်က နည်းနည်းမှိန်နေသလိုဖြစ်ပေမယ့် မက်ဂွိုင်းရားဦးဆောင်တဲ့ ခံစစ်က သိသိသာသာတိုးတက်လာတာတွေ့ရတယ်။ ပေးခဲ့ရတဲ့ ဂိုးအတော်များများက ဒီဟေးယား ပုံမှန်လက်ရည်မရှိတော့လို့ဖြစ်ပြီး ပုံမှန်အားဖြင့်တော့ ဂိုးကန်သွင်းခံရတဲ့နှုန်းက သိသိသာသာကျဆင်းလာတယ်။
အဲဗာတန် နှင့် အက်စတွန်ဗီလာ (ကြာသပတေးည ၁၁း၃၀ နာရီ)
ဝုလ်ဗ်နဲ့ပွဲတုန်းက အဲဗာတန်ရဲ့ ကစားပုံက တော်တော်လေးကို ဆိုးရွားပါတယ်။ ရမှတ်မလိုတော့ရင်လည်း အသည်းအသန်ကစားတဲ့အသင်းတွေရှိပေမယ့် အဲဗာတန်ကတော့ အေးအေးဆေးဆေးပဲ ဖြတ်သန်းတော့မယ့်ပုံပါ။ ဗီလာအတွက် မျှော်လင့်ချက်ရှိနေတယ်။
လက်စတာ နှင့် ရှက်ဖီးယူနိုက်တက် (ကြာသပတေးည ၁၁း၃၀ နာရီ)
ရှက်ဖီးယူနိုက်တက်ရဲ့ ရလဒ်တွေက သိသိသာသာတိုးတက်လာတယ်။ စပါး၊ ချယ်လ်ဆီးတို့ကို ဂိုးပြတ်အနိုင်ကစားခဲ့သလို၊ ဝုလ်ဗ်ကိုလည်းအိမ်ကွင်းမှာ အနိုင်ယူခဲ့တယ်။ လက်စတာရဲ့ ခြေစွမ်းကလည်း အားရစရာမရှိတော့လို့ ရှက်ဖီးယှဉ်ကစားနိုင် တာသေချာတယ်။ သရေကျသွားနိုင်တယ်။
ခရစ္စတယ်ပဲလေ့စ် နှင့် မန်ယူ (သောကြာနံနက် ၁း၄၅ နာရီ)
ချယ်လ်ဆီးနဲ့ပွဲတုန်းက (၂)ဂိုးသွင်းခဲ့တာကလွဲရင် ပဲလေ့စ်က တိုက်စစ်တော်တော်ညံ့တဲ့အသင်း။ အက်စတွန်ဗီလာနဲ့ ကစားခဲ့တဲ့ပွဲတုန်းကလည်း တိုက်စစ်ကစားပုံက လုံး၀ အားရစရာမရှိ။ မန်ယူက နေရာစုံ တိုးတက်လာတဲ့အထဲမှာ ခံစစ်ပိုင်း လည်းပါတယ်။ တိုက်စစ်မှာ ဂိုးတွေသွင်းနေတာ၊ ကစားပုံလှတာ၊ ဘရူနိုဖာနန်ဒက်စ်ခြေစွမ်းပြနေတာတွေက ဖုံးလွှမ်းနေလို့ ခံစစ်ပိုင်းရဲ့စွမ်းဆောင်ရည်က နည်းနည်းမှိန်နေသလိုဖြစ်ပေမယ့် မက်ဂွိုင်းရားဦးဆောင်တဲ့ ခံစစ်က သိသိသာသာတိုးတက်လာတာတွေ့ရတယ်။ ပေးခဲ့ရတဲ့ ဂိုးအတော်များများက ဒီဟေးယား ပုံမှန်လက်ရည်မရှိတော့လို့ဖြစ်ပြီး ပုံမှန်အားဖြင့်တော့ ဂိုး ကန်သွင်းခံရတဲ့နှုန်းက သိသိသာသာကျဆင်းလာတယ်။ မာတစ်ကို အထိုင်ချပြီး ပေါ့ဘာ -ဘရူနိုတို့က တိုက်စစ်နဲ့ ချိတ်ဆက် ကစားနေတဲ့ပုံစံက ချက်ချင်းပုံစံကျသွားပြီး သွင်းဂိုးတွေအတွက် ယုံကြည်မှုအရမ်းပြည့်၀ နေတာလည်း တွေ့ရတယ်။ မန်ယူ အတွက် အနိုင် (၃)မှတ်သေချာတဲ့ပွဲပါ။
ဆောက်သမ်တန် နှင့် ဘရိုက်တန် (သောကြာနံနက် ၁း၄၅ နာရီ)
ဆောက်သမ်တန်က အမှတ်မလိုဘူး။ ဘရိုက်တန်ကလည်း တန်းမဆင်းရဖို့ သေချာသလောက်ရှိပါတယ်။ အသင်း ကြီးတွေနဲ့ ဆက်တိုက်ကစားရလို့ ဘရိုက်တန် ရလဒ်ဆိုးနေပေမယ့် ခြေစွမ်းမာတဲ့အသင်းပါ။ သရေကျဖို့များတယ်။
