မန်ယူအသင်းအား အဝေးကွင်းတွင် (၁-၄)ဂိုးဖြင့် အရေးနိမ့်ခဲ့သည့် ပထမအကျော့ရလဒ်ကို ယခုအိမ်ကွင်းပွဲစဉ်တွင် ပြောင်းလဲနိုင်မည်ဟု ဘက်တစ်နည်းပြ ပယ်လီဂရီနီအနေဖြင့် ယုံကြည်နေကြောင်း သိရသည်။
မန်စီးတီးအသင်းနည်းပြဟောင်းဖြစ်သူ ပယ်လီဂရီနီက ပထမအကျော့ရလဒ်အား ပြောင်းလဲနိုင်ရန် မျှော်လင့်ချက်အပေါ် မေးမြန်းမှုနှင့်ပတ်သက်ပြီး “ကျွန်တော်တို့ အမှန်တကယ် ယုံကြည်ထားပါတယ်။ ဘောလုံးမှာ ပွဲတစ်ပွဲကို ဘယ်ဂိုးရလဒ်နဲ့ ပြီးဆုံးမလဲဆိုတာ ဘယ်သူမှမသိနိုင်ပါဘူး။ ကျွန်တော်တို့အသင်းနောက်မှာ ပရိသတ်တွေနဲ့ အိမ်ကွင်းကစားရတာက အမြဲတမ်းခြားနားပါတယ်။ ပထမဆုံးမိနစ်ကစပြီး ကျွန်တော်တို့ ကြိုးစားရမှာပါ။ ပထမဆုံးက ပွဲအနိုင်ရဖို့ဖြစ်ပြီး ပြီးတော့မှာ နောက်တစ်ဆင့်တက်ဖို့ လုံလောက်တဲ့ဂိုးတွေ သွင်းနိုင်အောင် ကြိုးပမ်းရမှာဖြစ်တယ်။ ကျွန်တော့်အသင်း၊ ပရိသတ်တွေကို ယုံကြည်မှုရှိပြီး ရလဒ်ပြောင်းပစ်ဖို့ အတူတကွကြိုးစားရပါလိမ့်မယ်” ဟု ပြောကြားခဲ့သည်။
