မန်ယူကွင်းလယ်ကစားသမားသစ် မေဆန်မောင့်က မိမိအနေဖြင့် ကျောနံပါတ် ၇ ၏ အရေးပါမှုကို သိရှိကြောင်း ပြောကြားခဲ့သည်။
မေဆန်မောင့်သည် ပြီးခဲ့သည့်ဗုဒ္ဓဟူးနေ့က ချယ်လ်ဆီးအသင်းမှ မန်ယူအသင်းထံ သို့ Add-ons ကြေးအပါအဝင် ပေါင်သန်း ၆၀ ဖြင့် ပြောင်းရွှေ့ပြီး ကျောနံပါတ် ၇ ကို ဝတ်ဆင်ရန် ရွေးချယ်ခဲ့သည်။
မန်ယူအသင်းတွင် ကျောနံပါတ် ၇ ကို ဂျော့စ်ဘတ်စ်၊ ဘရိုင်ယန်ရော့ဘ်ဆင်၊ ကန်တိုနာ၊ ဒေးဗစ်ဘက်ခမ်၊ စီရော်နယ်လ်ဒိုတို့ကဲ့သို့ ဂန္ထဝင်ကစားသမား များ ဝတ်ဆင်ကစားခဲ့ကြသည်။ ထို့ကြောင့် မေဆန်မောင့်က မန်ယူအသင်းတွင် နံပါတ် ၇ ၏ အရေးပါမှုနှင့် တာဝန်ကြီးမားမှုကို သိရှိကြောင်း ပြောကြားခဲ့ခြင်းဖြစ်သည်။
၎င်းက “ကျောနံပါတ် ၇ ရဲ့ သမိုင်းနဲ့ တာဝန်ကြီးမားမှုကို ကျွန်တော် ကောင်းကောင်းသိထားပါတယ်။ ကျွန်တော့်အတွက် အရေးကြီးဆုံးက မန်ယူပရိသတ်တွေရဲ့ ယုံကြည်မှုကို ရရှိဖို့ဖြစ်ပြီး အဲဒီအတွက် အစွမ်းကုန်ကြိုးစားသွားမှာပါ။ မန်ယူပရိသတ်တွေ ကျွန်တော့်ကို စိတ်မပျက်စေရပါဘူး”ဟု ပြောကြားခဲ့သည်။
