လိဒ်စ်အသင်း၏ နည်းပြ ဘီယဲလ်ဆာက မိမိတို့အသင်းမှာ နိုင်ပွဲမဖြစ်မနေယူရမည့်အချိန်ရောက်ရှိနေပြီဟု ပြောကြားခဲ့သည်။
လိဒ်စ်အသင်းသည် ပရီးမီးယားလိဂ် ပွဲစဉ်(၆)အပြီးတွင် နိုင်ပွဲမရသေးဘဲ (၃)ပွဲသရေ၊ (၃)ပွဲရှုံးနိမ့်ထားပြီး ယနေ့တွင် ဝက်ဖို့ဒ်အသင်းနှင့် အိမ်ကွင်းပွဲစဉ် ယှဉ်ပြိုင်ကစားရမည်ဖြစ်သည်။
ဘီယဲလ်ဆာက “(၆)ပွဲ ကစားပြီးချိန်မှာ နိုင်ပွဲမရသေးတာကြောင့် နိုင်ပွဲရယူနိုင်ဖို့ အရေးတကြီးလိုအပ်နေပါပြီ။ ကစားသမားတွေက ယုံကြည်ချက်ပျောက်ဆုံးနေတဲ့ အခြေအနေလည်း မဟုတ်ပါဘူး။ နိုင်ပွဲ ရယူနိုင်သင့်ပါပြီ” ဟု ပြောကြားခဲ့သည်။
