လက်ရှိရလဒ်ဆိုးများကြောင့် နည်းပြရာ ထူးနေရာ မသေချာတော့သည့် နည်းပြ ဒေးဗစ်မွိုက်စ်၏အနာဂတ်အား ဆုံးဖြတ်ရန်အ တွက် ဝက်စ်ဟမ်းအသင်းက လာမည့်ပရီးမီး ယားလိဂ်ပွဲစဉ် (၃)ပွဲ၏ရလဒ်အား စောင့်ကြည့် သွားမည်ဖြစ်ကြောင်း သိရသည်။
ဝက်စ်ဟမ်းအသင်းသည် ဇန်နဝါရီလ (၄) ရက်တွင် လိဒ်စ်နှင့် အဝေးကွင်းပွဲစဉ်၊ ဇန်န ဝါရီလ (၁၄) ရက်တွင် ဝုလ်ဗ်နှင့် အဝေးကွင်း ပွဲစဉ်၊ ဇန်နဝါရီလ (၂၁) ရက်တွင် အဲဗာတန်နှင့် အိမ်ကွင်းပွဲစဉ်များ ကစားရမည်ဖြစ်သည်။ ဒေးဗစ်မွိုက်စ်အနေဖြင့် ရာထူးတည်မြဲရေး အတွက် ယင်းပွဲစဉ်များမှ အနည်းဆုံး (၆) မှတ် သို့မဟုတ် (၇)မှတ်အထိ ရယူနိုင်မှ စိတ်ချရဖွယ်ရှိသည်။ ဝက်စ်ဟမ်းအသင်း သည် ပရီးမီးယားလိဂ် နောက်ဆုံး (၅)ပွဲဆက် အရေးနိမ့်ထားပြီး ယခုရာသီ အမှတ်ပေးပွဲ (၁၇) ပွဲမှာ (၁၄) မှတ်သာ ရယူနိုင်ခဲ့သည်။ မွိုက်စ် သည် ၂၀၂၃ ခုနှစ်အတွင်း ပရီးမီးယားလိဂ်မှ ပထမဆုံး ထုတ်ပယ်ခံရမည့်နည်းပြအဖြစ် ရေပန်းအစားဆုံးဖြစ်နေကြောင်း သိရသည်။
ယခုရာသီ ပရီးမီးယားလိဂ်ပြိုင်ပွဲတွင် ရာထူးမှ ထုတ်ပယ်ခံရသည့်နည်းပြ ငါးဦးအထိ ရှိပြီး ဖြစ်သည်။ ဒေးဗစ်မွိုက်စ်၏နောက်၌ အဲဗာ တန်အသင်းနည်းပြ လမ်းပတ်က ဒုတိယရေ ပန်းအစားဆုံးအဖြစ် ရပ်တည်လျက်ရှိသည်။ ရာထူးမှ ထုတ်ပယ်ခံရရန် ရေပန်းစားနေသည့် နည်းပြများထဲတွင် စပါးအသင်းနည်းပြ ကွန်တီ၊ ချယ်လ်ဆီးအသင်းနည်းပြ ဂရေဟမ် ပေါ်တာစသည့် ထိပ်တန်းအသင်းများမှ နည်းပြအချို့လည်း ပါဝင်နေလျက်ရှိကြောင်း သိရသည်။
