မန်ယူအသင်းခေါင်းဆောင် မက်ဂွိုင်းရားသည် ဒူးဒဏ်ရာကြောင့် အသင်း၏ ယခုရာသီ လက်ကျန်ပွဲစဉ်များကို လွဲချော်ဖွယ်ရှိနေကြောင်း Daily Mail က ဖော်ပြခဲ့သည်။
မက်ဂွိုင်းရားသည် အာဆင်နယ်အသင်းအား (၁-၃) ဂိုးဖြင့် ရှုံးနိမ့်သည့်ပွဲတွင် အရန်ကစားသမားအဖြစ် လူစာရင်းတွင် ပါဝင်ခဲ့သော်လည်း ပွဲကစားခွင့်မရခဲ့ပေ။
ယခုအခါ မက်ဂွိုင်းရားအနေဖြင့် ဒူူးဒဏ်ရာရရှိနေခြင်းဖြစ်ပြီး ချယ်လ်ဆီးနှင့် ကစားသည့် ပရီးမီးယားလိဂ်ပွဲစဉ်ကိုလည်း လွဲချော်မည်ဖြစ်သည်။
Daily Mail ၏ ဖော်ပြချက်အရ မက်ဂွိုင်းရား ရရှိခဲ့သည့် ဒူးဒဏ်ရာမှာ ရက်သတ္တပတ်ပေါင်းများစွာ အနားယူရမည့် ဒဏ်ရာမျိုးဖြစ်ပြီး ၎င်းအနေဖြင့် မန်ယူအသင်း၏ ပရီးမီးယားလိဂ် လက်ကျန် (၄) ပွဲစလုံးကို လွဲချော်ဖွယ်ရှိနေကြောင်း သိရှိရသည်။
