စကော့တလန် ဂန္တဝင်ကြီး အလိုင်း မက်ကွိုက်စ် ကတော့ ဝက်စ်ဟမ်း အသင်း ရဲ့ ကပ္ပတိန် ဒီကလန်ရိုက်စ် အနေနဲ့ မန်ယူနိုက်တက် အသင်းထက်စာရင် အာဆင်နယ် အသင်းကို ပြောင်းရွှေ့ ကစား သင့်ကြောင်း တိုက်တွန်း ပြောကြား လိုက်ပါတယ် ။
ဝက်စ်ဟမ်း အသင်း က ပေါင် သန်း ၁၀၀ အထိ ဈေးသတ်မှတ်ထားတဲ့ ဒီကလန်ရိုက်စ် ဟာ ဘိုင်ယန်မြူးနစ် အသင်းရဲ့ စိတ်ဝင်စားခြင်းကို ခံနေရပေမယ့် အင်္ဂလန်မှာပဲ ဆက်နေချင်တာကြောင့် ပရီးမီးယားလိဂ် အသင်း တစ်သင်းကိုပဲ ပြောင်းရွှေ့ ကစားဖွယ် ရှိနေပါတယ် ။ အာဆင်နယ် အသင်းကတော့ ရိုက်စ် ကို အဓိက ပစ်မှတ် အဖြစ် စိတ်ဝင်စားနေတဲ့ အသင်း ဖြစ်ပြီး မန်ယူနိုက်တက် ဘက်ကလည်း စောင့်ကြည့်မှုတွေ ရှိနေပါတယ် ။
မက်စ်ကွိုက်စ် ကတော့ အာဆင်နယ် အသင်းဟာ ရိုက်စ် အတွက် သင့်တော် ကောင်းမွန်တဲ့ နေရာ ဖြစ်တယ်လို့ ဆိုလိုက်ပြီး မန်ယူနိုက်တက် ဟာ မန်စီးတီးနှင့် ကစားသမား အရည်အသွေးချင်း အပြတ်အသတ် ကွာဟနေကြောင်း ပြောကြား သွားခဲ့ပါတယ် ။
” ကျနော်သာ ဒီကလန်ရိုက်စ် နေရာမှာဆိုရင်ပေါ့ဗျာ ၊ ပြောင်းရွှေ့လို့ ရနိုင်တဲ့ အသင်းတွေကို အရင်ဦးဆုံး ချိန်ဆ ကြည့်ပါမယ် ၊ ကျနော် ကတော့ ယူနိုက်တက် ထက်စာရင် အာဆင်နယ် ကို ပြောင်းရွှေ့ ကစားဖို့ စဉ်းစား မိမှာပါ ၊ ပြီးခဲ့တဲ့ ပိတ်ရက်က ပွဲကို ကျနော် ကြည့်လိုက်ရပါတယ် ။ ”
” မန်ချက်စတာ ယူနိုက်တက် က လိဂ်ဖလား ရထားတယ် ဆိုတာ ကျနော် သိပါတယ် ၊ ဒါပေမယ့် အဲ့ဒီပွဲမှာ ယူနိုက်တက် က မန်စီးတီး နဲ့ ကစားသမား ၄ ၅ ဦး လောက် အရည်အသွေးချင်း ကွာဟမှု ရှိနေပါတယ် ၊ အာဆင်နယ် က စီးတီး နဲ့ သိပ်မကွာတဲ့ အနေအထားကနေ ကောင်းကောင်း ကပ်လိုက်နိုင်ပါတယ် ၊ မန်စီးတီး ကို မြန်မြန် လိုက်မှီဖို့ ဆိုရင် အာဆင်နယ် က အလားအလာ ပိုကောင်းတယ်လို့ ကျနော် ကတော့ ထင်ပါတယ် ။ ” လို့ ပြောကြား သွားခဲ့ပါတယ် ။
ဝက်စ်ဟမ်း အသင်း ရဲ့ကွန်းဖရန့် ဖိုင်နယ် ပြီးတာနဲ့ အာဆင်နယ် အသင်းဟာ ဒီကလန်ရိုက်စ် အတွက် ပေါင် သန်း ၉၀ နဲ့ အဖွင့် ကမ်းလှမ်းမှု ပြုလုပ် သွားမှာ ဖြစ်တယ်လို့လည်း သတင်းတွေ ထွက်ပေါ် နေပါတယ် ။
