ဒိန်းမတ်အသင်း၌ ခြေစွမ်းပြနေသည့် ဒမ်းစ်ဂေါ့ကို ခေါ်ယူရန် စီးရီးအေထိပ်သီးအသင်းများ အပြိုင်စိတ်ဝင်စားနေ

ဒိန်းမတ်အသင်းနှင့်အတူ ယူရို-၂၀၂၀ ပြိုင်ပွဲ၌ ခြေစွမ်းပြနေသည့် ဆမ်ဒိုးရီးယားတောင်ပံကစားသမား ဒမ်းစ်ဂေါ့ကို ခေါ်ယူရန် စီးရီးအေထိပ်သီးအသင်းများ အပြိုင်စိတ်ဝင်စားနေကြကြောင်း သိရသည်။

ဂျူဗင်တပ်စ်၊ အင်တာမီလန်နှင့် အေစီမီလန်အသင်းတို့က ဒမ်းစ်ဂေါ့ကို ခေါ်ယူလိုနေခြင်းဖြစ်ပြီး ယင်း(၃)သင်းထဲတွင် အေစီမီလန်အသင်းက အလားအလာ အကောင်းဆုံးဖြစ်နေကြောင်း သိရသည်။

အေစီမီလန်အသင်း၏ နည်းစနစ်ဒါရိုက်တာ မာလ်ဒီနီနှင့် ဘောလုံးဒါရိုက်တာ မက်ဆာရာတို့နှစ်ဦးစလုံးက ဒမ်းစ်ဂေါ့ကို ခေါ်ယူရန် ထောက်ခံချက်ပေးထားကြောင်း သိရသည်။