ပရီးမီးယားလိဂ်၏ နာမည်ကျော် တိုက်စစ်မှူးဟောင်း အလန်ရှီးယားက လီဗာပူးလ်တိုက်စစ်မှူး ဒါဝင်နူးနက်ဇ်သည် လုံလောက်သည့် အချိန်ကာလနှင့် အကြံပေးမှုများ ရရှိခဲ့ပါက ကမ္ဘာ့အဆင့် တိုက်စစ်မှူးဖြစ်လာလိမ့်မည်ဟု သုံးသပ်ပြောကြားခဲ့သည်။
ဒါဝင်နူးနက်ဇ်သည် လီဗာပူးလ်အသင်းထံ ပြောင်းရွှေ့ကြေး ပေါင်(၈၅)သန်းဖြင့် ရောက်ရှိခဲ့သော်လည်း အခွင့်အရေးများစွာကို ဖြုန်းတီးနေသည့်အတွက် ဝေဖန်ပြစ်တင်မှုများနှင့် ရင်ဆိုင်နေရသည်။
ထို့ကြောင့် အလန်ရှီးယားက ကာကွယ်ပြောကြားခဲ့ခြင်းဖြစ်ပြီး ဒါဝင်နူးနက်ဇ်သည် မွေးရာပါအဆုံးသတ်သမားတစ်ဦး မဟုတ်သော်လည်း မယုံနိုင်ဖွယ်အရည်အချင်းရှိသူဟုလည်း ဆိုခဲ့သည်။
