မြန်မာ MMA ကစားသမား အောင်လအန်ဆန်သည် ထပ်မံထိုးသတ်ရမည့်ပွဲများအတွက် အမေရိကန်နိုင်ငံ၌ ပြန်လည်လေ့ကျင့်နေပြီဖြစ်ကြောင်း သိရသည်။
အောင်လအန်ဆန်သည် ဇူလိုင် ၃၀ ရက်တွင် ONE မစ်ဒယ်ဝိတ်တန်းစိန်ခေါ်ပွဲ အဖြစ် ဘရာဇီးလ်နိုင်ငံသား လီအန်ဒရိုနှင့် ထိုးသတ်ခဲ့ပြီးနောက် ပြီးခဲ့သည့်ရက်ပိုင်းက အမေရိကန်နိုင်ငံသို့ ပြန်သွားခြင်းဖြစ်သည်။
အောင်လအန်ဆန်သည် ယခုနှစ်အတွင်း ထပ်မံထိုးသတ်ရဖွယ်ရှိပြီး အဆင်သင့်ဖြစ်နေစေရန်အတွက် လေ့ကျင့်ပြင်ဆင်မှုများ စတင် ပြုလုပ်နေခြင်းဖြစ်သည်။ အောင်လအန်ဆန် သည် မစ်ဒယ်ဝိတ်တန်းကမ္ဘာ့ချန်ပီယံဆု ပြန် လည်ရယူနိုင်ရန် ကြိုးပမ်းလျက်ရှိပြီး ယခုနှစ် အတွင်း စိန်ခေါ်ပွဲ သို့မဟုတ် ကမ္ဘာ့ချန်ပီယံလုပွဲ ထိုးသတ်ရမည်ဖြစ်သည်။
အောင်လအန်ဆန်သည် မစ်ဒယ်ဝိတ်တန်းနှင့် လိုက်ဟဲဗီးဝိတ်တန်း ချန်ပီယံဟောင်းတစ်ဦးဖြစ်သည်။
