ရိုးမားနှင့်အာဆင် နယ်တို့သည် မစ်ခီတာရီယန်၏အပြောင်းအရွှေ့တွင် ဆက်ဆံရေးကောင်းများ ရရှိခဲ့ပြီး ယခုအခါ တော်ရဲရား-ဒီယာဝါရာအပြောင်းအရွှေ့ကို ပြုလုပ်ရန် စီစဉ်နေခြင်းဖြစ်ကြောင်း သိရသည်။
ရိုးမားအသင်းသည် အာဆင်နယ်အသင်းမှ ထွက်ခွာလိုနေသော ဥရုဂွေးကွင်းလယ်လူ တော်ရဲရားအား အသင်းမှ ဒီယာဝါရာနှင့် အလဲအထပ်လုပ်ရန် စီစဉ်နေကြောင်း Gazetta dello Sport က ဖော်ပြခဲ့သည်။
ရိုးမားနှင့်အာဆင် နယ်တို့သည် မစ်ခီတာရီယန်၏အပြောင်းအရွှေ့တွင် ဆက်ဆံရေးကောင်းများ ရရှိခဲ့ပြီး ယခုအခါ တော်ရဲရား-ဒီယာဝါရာအပြောင်းအရွှေ့ကို ပြုလုပ်ရန် စီစဉ်နေခြင်းဖြစ်ကြောင်း သိရသည်။
တော်ရဲရားသည် အသင်းပြောင်းရွှေ့လိုသည်ဟု အရိပ်အမြွက် ဝန်ခံထားပြီး အာဆင်နယ်နည်းပြ အာတီတာကလည်း ၎င်းကို နှစ်သက်ခြင်းမရှိပေ။
အာတီတာသည် ပြီးခဲ့သည့်ဇန်နဝါရီလမှစ၍ တော်ရဲရားအား ပွဲထွက်အဖြစ် တစ်ပွဲမှ အသုံးမပြုခဲ့ကြောင်း သိရသည်။
၎င်းသည် အီတလီကလပ် ပက်စ်ကာရာအသင်းတွင် ကစားသမားဘဝစတင်ခဲ့သူဖြစ်ပြီး ဆမ်ဒိုးရီးယားတွင် ကစားစဉ်က ခြေစွမ်းပြခဲ့ခြင်းကြောင့် အာဆင်နယ်အသင်း၏ ခေါ်ယူမှုကို ခံခဲ့ရခြင်းဖြစ်သည်။
ထို့ကြောင့် တော်ရဲရား(၂၄ နှစ်)ကို ရိုးမားအသင်းက မျက်စိကျနေပြီး အလားအလာရှိသည့် လူငယ်ကွင်းလယ်လူ ဒီယာဝါရာ(၂၂ နှစ်)နှင့် အလဲအထပ်ပြုလုပ်ပါက အာဆင်နယ်ဘက်က လက်ခံမည်ဟု ယုံကြည်နေကြောင်း သိရသည်။
