ဂယ်ရီနဗီးလ်က အင်္ဂလန်မှာ နည်းပြကောင်းတွေ ရှိနေပေမယ့် နိုင်ငံခြားသားနည်းပြတစ်ဦးကို အင်္ဂလန်နည်းပြသစ်အဖြစ် ခန့်အပ်ခဲ့တဲ့ အက်ဖ်အေဟာ ခက်ခဲတဲ့မေးခွန်းတွေနဲ့ ရင်ဆိုင်ရသင့်ကြောင်း ပြောကြားခဲ့ပါတယ်။
တူချယ်ဟာ အင်္ဂလန်ဘောလုံးသမိုင်းမှာ သုံးဦးမြောက် နိုင်ငံခြားသားနည်းပြအဖြစ် အင်္ဂလန်နည်းပြတစ်ဦး ဖြစ်လာခဲ့ပါတယ်။
ချဲလ်ဆီးနည်းပြဟောင်းဟာ ၂၀၂၅ခုနှစ် ဇန်နဝါရီ ၁ရက်နေ့မှာ ယာယီနည်းပြ လီကာစလေရဲ့နေရာကို ဆက်ခံပြီး အမြဲတမ်းနည်းပြဖြစ်လာမှာပါ။
နဗီးလ်ဟာ ၂၀၁၂ခုနှစ်ကနေ ၂၀၁၆ခုနှစ်အတွင်း အင်္ဂလန်နည်းပြ ရွိုင်းဟော့ဒ်ဆန်ရဲ့လက်အောက်မှာ လက်ထောက်နည်းပြအဖြစ် တာဝန်ယူခဲ့ဖူးပါတယ်။
နဗီးလ်က “လွန်ခဲ့တဲ့နှစ်၂၀ အဲရစ်ဆင်ကို နည်းပြအဖြစ် ခန့်အပ်ခဲ့တုန်းက ကျွန်တော်ဟာ ထောက်ခံခဲ့သူတစ်ဦးဖြစ်ပေမယ့် နောက်ဆုံးအချိန်မှာတော့ ဒီလိုလုပ်တာက အင်္ဂလန်နည်းပြတွေအပေါ် ထိခိုက်မှုကြီးမားစေတယ်ဆိုတာ သိသွားတဲ့အတွက် ကျွန်တော် စိတ်ပြောင်းသွားခဲ့ပါတယ်။
ဂရတ်ဆောက်ဂိတ်က အင်္ဂလန်နည်းပြနဲ့ ကစားသမားတွေအပေါ် ယုံကြည်မှုပြန်ရလာစေပါတယ်။ သူက အကောင်းဆုံလုပ်ပြခဲ့ပေမယ့် အခု ကျွန်တော်တို့က အခြားမတူညီတဲ့ လမ်းတစ်ခုကို ရွေးချယ်လိုက်ကြောင့် အက်ဖ်အေအတွက် ခက်ခဲတဲ့မေးခွန်းဗတွရှိလာတော့မှာပါ။
အက်ဖ်အေလုပ်လိုက်တာက နည်းဗျူဟာမြောက်တဲ့ ဆုံးဖြတ်ချက်မျိုး မဟုတ်ပါဘူး။ အဲ့ဒါက လိုအပ်ချက်အတွက် အလျင်စလို ပြုလုပ်လိုက်တာမျိုးပါ။ အင်္ဂလန်နည်းပြရာထူးနဲ့ပတ်သက်ပြီး အက်ဖ်အေအတွက် တကယ့်မေးခွန်းတွေရှိလာမယ်လို့ ထင်ပါတယ်။”
“ကျွန်တော်တို့ ကိုယ့်ကိုယ်ကိုယ် ထိခိုက်အောင်လုပ်နေတယ်လို့ ထင်ပါတယ်။ အင်္ဂလန်နည်းပြအဖြစ် ခန့်အပ်နိုင်မယ့် အင်္ဂလိပ်လူမျိုးနည်းပြကောင်းတွေ ရှိနေမယ်လို့ ထင်ပါတယ်။”လို့ ပြောခဲ့ပါတယ်။
နဗီးလ်ကတော့ တူချယ်အစား ချဲလ်ဆီးနည်းပြဟောင်း ဂရေဟမ်ပေါ်တာနဲ့ နယူးကာဆယ်နည်းပြ အက်ဒီဟိုဝီတို့ကို ခန့်အပ်သင့်ကြောင်းလည်း ထောက်ပြပြောဆိုသွားခဲ့ပါတယ်။
