ဒွန်နာရမ်မာနှင့် အီဘရာဟီမိုဗစ်တို့သည် ပြီးခဲ့သည့်ရက်ပိုင်းအတွင်း၌ သီးသန့်ရဟတ်ယာဉ်ဖြင့် အေးဂျင့်ရိုင်အိုလာရှိရာသို့သွားရောက်၍ စာချုပ်သက်တမ်းတိုးရန် ဆွေးနွေးခဲ့ကြောင်း သိရသည်။
အေစီမီလန်အသင်းသည် ဂိုးသမားဒွန်နာရမ်မာနှင့် အငှားခေါ်ယူထားသည့် တိုက်စစ်မှူး အီဘရာဟီမိုဗစ် တို့ကို စာချုပ်သက်တမ်းတိုးရန် စီစဉ်နေကြောင်းသိရသည်။
ဒွန်နာရမ်မာနှင့် အီဘရာဟီမိုဗစ်တို့သည် ပြီးခဲ့သည့်ရက်ပိုင်းအတွင်း၌ သီးသန့်ရဟတ်ယာဉ်ဖြင့် အေးဂျင့်ရိုင်အိုလာရှိရာသို့သွားရောက်၍ စာချုပ်သက်တမ်းတိုးရန် ဆွေးနွေးခဲ့ကြောင်း သိရသည်။
အေစီမီလန်အသင်းသည် အီဘရာဟီမိုဗစ်ကို တစ်နှစ်လစာယူရို (၄) သန်းဖြင့် စာချုပ်သက်တမ်းတိုးရန် ကမ်းလှမ်းထားသော်လည်း ကစားသမားဖြစ်သူက တစ်နှစ်လစာယူရို (၆)သန်းအထိ အလိုရှိနေသည်။
အသက် (၂၁)နှစ်အရွယ်ဂိုးသမား ဒွန်နာရမ်မာသည် ၂၀၂၁ ခုနှစ်၊ ဇွန်လတွင် အေစီမီလန်အသင်းနှင့် စာချုပ်သက်တမ်းကုန်ဆုံးမည်ဖြစ်ပြီး သူ့ကို ဥရောပထိပ်သီးအသင်းအချို့က စိတ်ဝင်စားနေကြသည်။ အေစီမီလန်အသင်းသည် ဒွန်နာရမ်မာကို လစာတိုးမြှင့်ပေး၍ စာချုပ်သက်တမ်းတိုးဖွယ်ရှိနေသည်။
