ယခုနှစ်ဘောလုံးရာသီတွင် မန်စီးတီးနှင့်အတူ ပရီးမိးယားလိဂ်ချန်ပီယံဖြစ်ခဲ့သော ဂွာဒီယိုလာသည် လိဂ်မန်နေဂျာများအစည်းအရုံးမှ ချီးမြှင့်သည့် တစ်နှစ်တာအကောင်းဆုံး မန်နေဂျာဆုကို ရရှိခဲ့သည်။ ဂွာဒီယိုလာသည် ၎င်း၏ မန်နေဂျာဘဝသက်တမ်းတလျှောက်တွင် အဆိုပါဆုကို သုံးကြိမ်မြောက် ရရှိခြင်း ဖြစ်သည်။ ထို့ပြင်ဂွာဒီယိုလာသည် ပရီးမီးယားလိဂ်အဖွဲ့ချုပ်မှ ချီးမြှင့်သည့် အကောင်းဆုံး မန်နေဂျာဆုကို လေးကြိမ်မြောက်လည်း ရရှိခဲ့သည်။
ပရီးမီးယားလိဂ်မှ ချီးမြှင့်သော အကောင်းဆုံးမန်နေဂျာဆုကို ဆာအဲလက်စ်ဖာဂူဆန်ဆုဖလားဟု ခေါ်ပြီး မန်ယူအသင်း၏ ဆရာကြီး ဆာအဲလက်စ်ဖာဂူဆန်ကို ထိုဆုကို ငါးကြိမ်အထိ ဆွတ်ခူးနိုင်ခဲ့သည်။ ဂွာဒီယိုလာ၏ မန်စီးတီးအသင်းသည် အာဆင်နယ်ကို တစ်ရာသီလုံးလိုလို နောက်မှ လိုက်ကစားပြီး ဘောလုံးရာသီပြီးကာနီးတွင် ကျော်တက်နိုင်ခဲ့ကာ ပရီးမီးယားလိဂ် ချန်ပီယံဆုဖလားကို သုံးနှစ်ဆက်တိုက်ဆွတ်ခူးနိုင်ခဲ့ခြင်းဖြစ်သည်။
ဂွာဒီယိုလာသည် မန်စီးတီးအသင်းကိုကိုင်တွယ်စဉ်တွင် အမှတ်ပေးချန်ပီယံဆုကို ၅ ကြိမ်အထိဆွတ်ခူးနိုင်ခဲ့ပြီး မန်စီးတီးအတွက် အောင်မြင်မှုအရှိဆုံး ခေတ်တစ်ခေတ်ကို ထူထောင်ပေးနိုင်ခဲ့သည်။
