စပါးအသင်းနည်းပြ မော်ရင်ဟိုသည် သူ့အသင်း၏ တောင်ကိုရီးယားကွင်းလယ်တိုက်စစ်ကစားသမား ဆွန်ဟောင်မင်နှင့်ပတ်သက်၍ တောင်ကိုရီးယားလက်ရွေးစင်အသင်းအား သတိပေးလိုက်ကြောင်း သိရှိရသည်။
ဆွန်ဟောင်မင်သည် ရှေ့လာမည့်တစ်ပတ်နိုင်ငံတကာရက်သတ္တပတ်တွင် နိုင်ငံတကာပွဲများကစားမည့် တောင်ကိုရီးယားလက်ရွေးစင်အသင်း၌ ရွေးချယ်ခံရဖွယ်ရှိပြီး မော်ရင်ဟိုက မိမိကစားသမားကိုသတိထားပြီး အသုံးပြုရန်လိုအပ်သည်ဟု ပြောကြားခဲ့ခြင်းဖြစ်သည်။
ပြီးခဲ့သည့်တစ်ပတ်က ကစားခဲ့သော ပရီးမီးယားလိဂ်ပွဲစဉ် စပါး(၁-၁)နယူးကာဆယ်ပွဲတွင် ဆွန်ဟောင်မင်သည် တင်ပါးဆုံဒဏ်ရာရရှိခဲ့ပြီး ဒဏ်ရာပြဿနာရှိနေသော ဆွန်ဟောင်မင်ကို တောင်ကိုရီးယားလက်ရွေးစင်အသင်း နည်းပြအဖွဲ့အနေဖြင့် သတိပြုရန်လိုအပ်ကြောင်း မော်ရင်ဟိုက ပြောကြားခဲ့သည်။
ဆွန်ဟောင်မင်သည် တောင်ကိုရီးယားလက်ရွေးစင်အသင်းအတွက် (၈၇)ပွဲကစား (၂၆)ဂိုးသွင်းယူထားပြီး အသင်း၏ အဓိကအားထားရသည့် ကြယ်ပွင့်တိုက်စစ်ကစားသမားသမားလည်းဖြစ်သည်။
