နယ်သာလန်လက်ရွေးစင် ဘောလုံးသမားဟောင်း ဆီးဒေါ့ဖ်နှင့် ရုရှား MMA ကစားသမားဟောင်း ခါဘိတို့သည် ယူအေအီးနိုင်ငံ၊ ဒူဘိုင်းမြို့တွင် သင်တန်းကျောင်းတစ်ခု ပူးတွဲဖွင့်လှစ်သွားမည်ဖြစ်ကြောင်း တနင်္လာနေ့က အတည်ပြုကြေညာခဲ့သည်။
ယင်းသင်တန်းကျောင်းကို Seedorf Khabib Performance Club ဟု အမည်ပေးထားပြီး ဘောလုံးနှင့် MMA အားကစားနည်းများကို ပေါင်းစပ်သင်ကြားပေးသွားမည်ဟု သိရသည်။
၎င်းတို့သည် ယခုကဲ့သို့ သင်တန်းကျောင်းများကို လာမည့်(၅)နှစ်အတွင်း၌ ကမ္ဘာတစ်လွှားမှ နိုင်ငံ(၁၀)နိုင်ငံတွင် ဖွင့်လှစ်သွားနိုင်ရန် ရည်မှန်းထားပြီး အနည်းဆုံးအဖြစ် ဒူဘိုင်းနှင့် အဘူဒါဘီတွင် သေချာပေါက်ဖွင့်လှစ်သွားမည်ဟု ခါဘိက ပြောကြားခဲ့သည်။
ဆီးဒေါ့ဖ်ကလည်း ယခုအစီအစဉ်မှာ ဒူဘိုင်းတွင်သာ ရပ်တန့်မည်မဟုတ်ဘဲ ကမ္ဘာကို ဖြန့်ကြက်မည့်အစီအစဉ်ဖြစ်သည်ဟု ဆိုခဲ့သည်။
