အက်သလက်တီကိုတိုက်စစ်ကစားသမား ဂရီးဇ်မန်းက အသင်းပရိသတ်များကို ဆန္ဒဆက်မပြကြရန် တိုက်တွန်းပြောကြားခဲ့သည်။
အက်သလက်တီကိုအသင်းအားပေးသူပရိသတ်များသည် အထူးသဖြင့် အသင်းအမှုဆောင်ချုပ်ဖြစ်သူ ဂီလ်မာရင်နှင့် ပတ်သက်၍ ဆန္ဒပြနေကြကြောင်း သိရသည်။
၎င်းကို ဆန္ဒပြသည့်အနေဖြင့် ကွင်းအတွင်းတွင် အသင်းကိုအားပေးခြင်းမရှိဘဲ တိတ်ဆိတ်ငြိမ်သက်ခြင်းလည်းပါဝင်ကြောင်း သိရသည်။
ယင်းအခြေအနေနှင့်ပတ်သက်ပြီး ဘီလ်ဘာအိုနှင့်ပွဲအပြီးတွင် ဂရီးဇ်မန်းက ”ကျွန်တော် ဂိုးတွေသွင်းချင်တယ်။ အသင်းအတွက် နောက်ဆုံးအချိန်ထိ ကြိုးစားချင်တယ်။ ဒါပေမဲ့ ပရိသတ်တွေကြောင့် အခက်တွေ့ရပါတယ်။ သူတို့အနေနဲ့ ဒါ(ဆန္ဒပြ)ကို ဖြစ်နိုင်ရင် အမြန်ဆုံးရပ်တန့်စေချင်ပါတယ်။ သူတို့ရဲ့ အားပေးမှုကို ကျွန်တော်တို့ လိုအပ်ပါတယ်။ သူတို့အားပေးမှ ကျွန်တော်တို့ ဒီထက်ပိုအောင်မြင်မှာပါ” ဟု ပြောကြားခဲ့သည်။
