စာချုပ်သစ်အတွက် ဘာပေကို PSG အသင်း ထပ်မံကမ်းလှမ်းမည်

PSG အသင်းသည် ပြင်သစ်တိုက်စစ်မှူး ဘာပေကို စာချုပ်သစ်ချုပ်ဆိုပြီး အသင်း၌ ဆက်လက်ထိန်းသိမ်းနိုင်ရန်အတွက် ကမ်းလှမ်းမှုအသစ် ထပ်မံပြုလုပ်သွားရန် စီစဉ်နေပြီး ငြင်းဆန်ရန်ခက်စေမည့် မက်လုံးများ ပါဝင်မည်ဖြစ်ကြောင်း သိရသည်။

ဘာပေသည် စာချုပ်သက်တမ်း ထပ်မံတိုးမြှင့်လိုခြင်းမရှိကြောင်း တရားဝင်ပြောကြားထားသော်လည်း PSG အသင်းတာဝန်ရှိသူများက တတ်နိုင်သမျှနည်းလမ်းဖြင့် ဆက်လက်ကြိုးပမ်းသွားရန် စီစဉ်နေခြင်းဖြစ်သည်။

ဘာပေနှင့် PSG အသင်း၏ စာချုပ်သက်တမ်းမှာ လာမည့်ရာသီအကုန်တွင် ကုန်ဆုံးမည်ဖြစ်သည်။