ပထမအကျော့မှာ ၂ ဂိုးစီသရေကျထားတဲ့ အာဆင်နယ်နဲ့ စပို့တင်းအသင်းတို့ဟာ ဒုတိယအကျော့မှာလည်း မိနစ် ၉၀ အထိ တစ်ဂိုးစီသရေထပ်ကျခဲ့တာကြောင့် နှစ်ကျော့ပေါင်း ၃-၃ သရေဖြစ်နေခဲ့ပါတယ်။ ဒါကြောင့် အီမရိတ်မှာ ကစားတဲ့ပွဲစဉ်မှာ အချိန်ပိုမိနစ် ၃၀ ကစားခဲ့ရပါတယ်။
အာဆင်နယ်အသင်းအတွက် သွင်းဂိုးကို ပထမပိုင်းပွဲချိန် ၁၉ မိနစ်မှာမာတင်နယ်လီရဲ့ ဖန်တီးမှုကတစ်ဆင့် ရှာကာက သွင်းယူခဲ့တာဖြစ်ပါတယ်။ စပို့တင်းအတွက် ချေပဂိုးကိုတော့ ပွဲချိန် ၆၂ မိနစ်မှာ ဂွန်ကာဗက်စ်က သွင်းယူခဲ့တာပဲဖြစ်ပါတယ်။ ပွဲချိန် မိနစ် ၉၀ အထိသရေကျနေတာကြောင့် အချိန်ပို မိနစ် ၃၀ ထပ်ကစားခဲ့ရပါတယ်။ အချိန်ပို ၁၁၈ မိနစ်မှာ စပို့တင်းကွင်းလယ်လူ အူဂါတီ အထုတ်ခံခဲ့ရပါတယ်။
အာဆင်နယ်ခံစစ်မှူး တိုမီယာဆုနဲ့ ဆာလီဘာတို့လည်း ဒဏ်ရာအသီးသီးရရှိခဲ့တာကြောင့် ပထမပိုင်းမှာ လူစားလဲပြီး ထွက်ခဲ့ရပါတယ်။ အာဆင်နယ်နောက်တန်းရဲ့ဒဏ်ရာပြဿနာက မန်နေဂျာ အာတီတာအတွက် ခေါင်းကိုက်စရာဖြစ်လာနိုင်ကြောင်း သတင်းများက သုံးသပ်ဖော်ပြပါတယ်။
အာဆင်နယ်နဲ့ စပို့တင်းတို့က နောက်ဆုံးမှာတော့ ပင်နယ်တီအပြိုင်ကန်သွင်းပြီး ဘယ်သူနောက်တစ်ဆင့်တက်မလည်း ဆုံးဖြတ်ခဲ့ရပါတယ်။ အာဆင်နယ်ဘက်က ပင်နယ်တီတွေကို အိုဒီဂတ် ဆာကာ ထရောဆတ်နဲ့ မာတင်နယ်လီတို့က ကန်သွင်းပြီး အိုဒီဂတ် ဆာကာ ထရောဆတ်တို့က ဂိုးဝင်ခဲ့ပါတယ်။ မာတင်နယ်လီကန်တဲ့အလုံးက လွဲချော်သွားပါတယ်။
စပို့တင်းဘက်ကပင်နယ်တီတွေကို ဂျပ်စတီ အက်ဂါလို အီနာဆီယို ဂိုမက်စ် နူနိုဆန်းတို့စ်တို့က ကန်သွင်းပြီး ၅ လုံးစလုံး ဂိုးဝင်သွားတာပါတယ်။ ဒါကြောင့် ပင်နယ်တီမှာ ၅-၃ နဲ့အနိုင်ရပြီး စပို့တင်းက နောက်တစ်ဆင့်ကို တက်ရောက်သွားပြီဖြစ်ကြောင်းပါ။
