ဘရာဇီးလ်ဘောလုံးအဖွဲ့ချုပ်သည် မန်စီးတီးနည်းပြ ဂွါဒီယိုလာကို နည်းပြသစ်အဖြစ် ခန့် အပ်ရန် စီစဉ်နေကြောင်း သိရသည်။
ဘရာဇီးလ်ဘောလုံးအဖွဲ့ချုပ်သည် လက်ရှိနည်းပြ ထိထီနှင့် ၂၀၂၂ ကမ္ဘာ့ဖလားပြိုင်ပွဲအပြီးတွင် လမ်းခွဲမည်ဖြစ်ပြီး နည်းပြသစ်ရှာဖွေရမည် ဖြစ်ရာ ဂွါဒီယိုလာကို မျက်စိကျနေခြင်းဖြစ်ကြောင်း သိရသည်။
ဂွါဒီယိုလာသည် မန်စီးတီးအသင်းနှင့် စာချုပ်သက်တမ်း ကျန်ရှိနေဆဲဖြစ်သော်လည်း ချန်ပီယံလိဂ်ဖလား ရယူနိုင်ခဲ့ပါက အပြောင်းအလဲဖြစ်လာနိုင်သည်ဟု ထင်ကြေးပေးမှုများရှိနေသည်။ ထို့ပြင် ထိပ်တန်းကလပ်အသင်းများကို ကိုင်တွယ်ခဲ့ပြီးဖြစ်သောကြောင့် လက်ရွေးစင်နည်းပြအဖြစ် ပြောင်းလဲလုပ်ဆောင်ရန် ဖြစ်နိုင်ခြေရှိကြောင်းလည်း သိရသည်။
ဘရာဇီးလ်ဘောလုံးအဖွဲ့ချုပ်သည် ဂွါဒီယိုလာကို ၂၀၂၃ ဇန်နဝါရီ သို့မဟုတ် နွေရာသီတွင် ကမ်းလှမ်းမှုပြုလုပ်သွားရန် ရည်ရွယ်ထားသလို၊ ၂၀၂၆ ကမ္ဘာ့ဖလားပြိုင်ပွဲအထိ စာချုပ်ချုပ်ဆိုသွားရန် စီစဉ်ထားကြောင်းလည်း သိရသည်။
ဘရာဇီးလ်ဘောလုံးအဖွဲ့ချုပ်သည် ဂွါဒီယိုလာ၏ အေးဂျင့်အဖြစ် ဆောင်ရွက်နေသည့် ၎င်းင်း၏ ညီအစ်ကိုဖြစ်သူနှင့် ဆွေးနွေးမှုများ ပြုလုပ်ထားပြီဖြစ်ပြီး တစ်နှစ်လစာ ယူရို(၁၂)သန်းဝန်းကျင် ပေးချေသွားရန်လည်း အသင့်ရှိနေသည်ဟု သိရသည်။
ဂွါဒီယိုလာသည် မန်စီးတီးအသင်းနှင့် ၂၀၂၃ ခုနှစ်၊ ဇွန်လတွင် စာချုပ်သက်တမ်းကုန်ဆုံးမည်ဟု သိရသည်။
