ရီးယဲလ်မက်ဒရစ်အသင်းသည် ဂျပန်လက်ရွေးစင် တောင်ပံကစားသမား ကူဘိုကို မာယော့ကာအသင်းထံ တစ်ရာသီအငှားချရန် သဘောတူညီမှု ရရှိခဲ့ပြီဖြစ်ကြောင်း သိရသည်။
ကူဘိုသည် အိုလံပစ်ပြိုင်ပွဲတွင် ခြေစွမ်းပြခဲ့ခြင်းကြောင့် ရီးယဲလ်ပရိသတ်အချို့က အသင်းတွင် နေရာပေးရန် တောင်းဆိုခဲ့သော်လည်း ရီးယဲလ်အသင်းတာဝန်ရှိသူများက အငှားချရန် ဆုံးဖြတ်ခဲ့ခြင်းဖြစ်သည်။
ကူဘိုသည် ၂၀၁၉ ခုနှစ်ကတည်းက ရီးယဲလ်သို့ ရောက်ရှိခဲ့သော်လည်း အငှားကစားသမားအဖြစ်သာ ကျင်လည်နေရပြီး မာယော့ကာအသင်းထံ ဒုတိယအကြိမ် အငှားချခံရခြင်းဖြစ်သည်။
