ချယ်လ်ဆီးကွင်းလယ်လူဟောင်း မီခေးလ်က လက်ရှိအသင်းတွင် ခေါင်းဆောင်နိုင်မည့်သူ မရှိကြောင်း ဝေဖန်ပြောကြားခဲ့သည်။
ချယ်လ်ဆီးအသင်းသည် ယခုရာသီတွင် ရလဒ်များဆိုးရွားနေပြီး ပရီးမီးယားလိဂ်ပွဲစဉ် (၁၆) အပြီးတွင် ရမှတ် (၁၉)မှတ်ဖြင့် အဆင့် (၁၂) နေရာ ရပ်တည်နေသည်။
မီခေးလ်က ”အခု ချယ်လ်ဆီးအသင်းမှာ အသင်းရှုံးနေတဲ့အချိန် အသင်းဖော်တွေကို အားတက်အောင် တိုက်တွန်းသူမျိုး မမြင်ရပါဘူး။ ကျွန်တော်တို့တုန်းက ဒရော့ဘာ၊ တယ်ရီ၊ လမ်းပတ်တို့ဟာ အသင်းရလဒ်ဆိုးနေချိန်မှာ အသင်းဖော်တွေကို အစွမ်းကုန် ကြိုးစားကြဖို့ တိုက်တွန်းလေ့ရှိပါတယ်”ဟု ပြောကြားခဲ့သည်။
