ဆောက်သမ်တန်အသင်းသည် ချယ်လ်ဆီးတိုက်စစ်မှူး အေဘရာဟမ်ကို ခေါ်ယူရန် စီစဉ်နေကြောင်း ဗြိတိန်မီဒီယာများက ဖော်ပြခဲ့သည်။
ဆောက်သမ်တန်အသင်းသည် အသင်းဝါရင့်တိုက်စစ်မှူး ဒန်နီအင့်စ်ကို အက်စတွန်ဗီလာအသင်းထံ ပေါင်သန်း(၃၀)ဖြင့် ရောင်းထုတ်ခဲ့ပြီးနောက် ချယ်လ်ဆီး လူငယ်တိုက်စစ်မှူး အေဘရာဟမ်ကို ပြန်လည်အစားထိုးခေါ်ယူလိုနေကြောင်း သိရှိရသည်။
ဆောက်သမ်တန်အသင်းသည် အေဘရာဟမ်ကို အငှားဖြင့် ခေါ်ယူလိုသော်လည်း ချယ်လ်ဆီးအသင်းက အပြီးသတ်သာ ရောင်းချလိုနေပြီး ပေါင်သန်း(၄၀)ဝန်းကျင် အလိုရှိနေကြောင်း Daily Mail သတင်းစာက ဖော်ပြခဲ့သည်။
အသက် (၂၃)နှစ်အရွယ်ရှိ အင်္ဂလန်တိုက်စစ်မှူး အေဘရာဟမ်ကို ခေါ်ယူရန် ဆောက်သမ်တန်အသင်းနှင့်အပြိုင် အာဆင်နယ်၊ ဝက်စ်ဟမ်းနှင့် အတ္တလန်တာအသင်းတို့ကလည်း စိတ်ဝင်စားနေကြောင်း သိရှိရသည်။
ဆောက်သမ်တန်အသင်းသည် ယခုအခါ အေဘရာဟမ်အတွက် ချယ်လ်ဆီးအသင်းကို တရားဝင်ကမ်းလှမ်းမှုပြုလုပ်ရန် စီစဉ်နေပြီဖြစ်ကြောင်း သိရှိရသည်။
