မန်ချက်စတာယူနိုက်တက် – အက်သလက်တီကိုမက်ဒရစ် (မြန်မာစံတော်ချိန် မတ်လ ၁၆ ရက် နံနက် ၂း၃၀ နာရီ)
အက်သလက်တီကိုအသင်းမှာ ဒဏ်ရာပြဿနာတွေရှိနေတယ်။ အသင်းလိုက်ခြေစွမ်းပိုင်းကတော့ သိသိသာသာတိုးတက်နေပြီး ဂျော်အိုဖေးလစ်ကလည်း ဒီရာသီမှာ အကောင်းဆုံးပုံစံပြသနေတာ တွေ့ရတယ်။ မန်ယူအသင်းကတော့ ရလဒ်တွေ ကျဆင်းနေပေမဲ့ နောက်ဆုံးကစားခဲ့တဲ့ပွဲမှာ အသင်းကောင်းတစ်သင်းဖြစ်တဲ့ ကွန်တီရဲ့စပါးကို ခက်ခက်ခဲခဲအနိုင်ရခဲ့တာ တွေ့ရတယ်။ နိုင်ပွဲရခဲ့တာထက် ပိုကျေနပ်စရာကောင်းတာက စီရော်နယ်လ်ဒိုရဲ့အကောင်းဆုံးပုံစံကို မြင်ခဲ့ရခြင်းဖြစ်ပြီး သူ ဂိုးမြူးလေ့ရှိတဲ့ ပြိုင်ဘက်အသင်းနဲ့ ကစားရမယ့်ပွဲမတိုင်ခင်မှာ ဂိုးပေါက်ပြန်တွေ့ခဲ့တာ ကျေနပ်စရာပါ။ အိမ်ကွင်းမှာလည်းကစားရတာဖြစ်လို့ မန်ယူပဲ အနိုင်ရဖို့များတယ်။
အေဂျက်စ် – ဘင်ဖီကာ (မြန်မာစံတော်ချိန် မတ်လ ၁၆ ရက် နံနက် ၂း၃၀ နာရီ)
ဘင်ဖီကာအသင်းရဲ့ ကွင်းမှာတုန်းက အေဂျက်စ်နဲ့ (၂-၂) ဂိုး သရေကျခဲ့တယ်။ တကယ်တော့ လက်ရှိ အေဂျက်စ်ရဲ့အနေအထားအရ ဘင်ဖီကာအနေနဲ့ အိမ်ကွင်းမှာကစားရတာတောင် သရေကျတာ ကျေနပ်စရာဖြစ်နေတယ်။ အေဂျက်စ်က ပြည်တွင်းလိဂ်ပွဲတွေမှာ ရလဒ်ကောင်းနေသလို ချန်ပီယံလိဂ်မှာဆိုရင် ပိုပြီးထူးခြားတဲ့ခြေစွမ်းကို ပြသနိုင်တယ်။ အိမ်ကွင်းပွဲစဉ်တွေမှာ ကစားခဲ့တဲ့ခြေစွမ်းနဲ့ ရလဒ်ပိုင်းကလည်း ကြောက်စရာပါ။ အေဂျက်စ်ပဲ နိုုင်ပြီး ကွာတားတက်မယ်။
