လီဗာပူးလ် – အင်တာမီလန်(မြန်မာစံတော်ချိန် မတ်လ ၉ ရက် နံနက် ၂း၃၀ နာရီ)
ပထမအကျော့ရလဒ် – အင်တာမီလန် (၀-၂) လီဗာပူးလ်
လီဗာပူးလ်က အင်တာမီလန်ကို အဝေးကွင်းမှာ အနိုင်ကစားပြီး နောက်တစ်ဆင့်တက်ဖို့ အားသာချက်ကို ပိုင်ဆိုင်ထားပြီးပြီ။ အင်တာမီလန်ကတော့ ရလဒ်တွေ ဆက်တိုက်ကျဆင်းနေခဲ့ပြီး နောက်ဆုံးပွဲမှာ တန်းတက်အသင်း ဆလာနီတာနာကို ဂိုးပြတ်အနိုင်ရခဲ့တယ်။ ဒါပေမဲ့ ခြေစွမ်းရော ရလဒ်ပိုင်းပါ လီဗာပူးလ်ကို ယှဉ်နိုင်စွမ်းမရှိပါဘူး။ လီဗာပူးလ်အသင်းကို အိမ်ကွင်းမှာကစားခဲ့တုန်းက အင်တာမီလန်ရဲ့ ကစားပုံမဆိုးပေမဲ့ အသင်းကြီးပုံစံမျိုးနဲ့ လီဗာပူးလ်က အခြေအနေကို ထိန်းထားနိုင်ခဲ့ပြီး အခွင့်အရေးတွေကို အသုံးချအနိုင်ယူခဲ့တယ်။ အခု လီဗာပူးလ်ကွင်းမှာ အင်တာမီလန် ပိုခက်ခဲဖို့ပဲရှိတယ်။ သရေဆိုရင်တောင် လီဗာပူးလ်က လုံလောက်တာထက် ပိုနေပေမဲ့ လီဗာပူးလ်ပဲ အနိုင်ရဦးမှာပဲ။
ဘိုင်ယန်မြူးနစ် – ဆာလ်ဇ်ဘာ့ဂ်(မြန်မာစံတော်ချိန် မတ်လ ၉ ရက် နံနက် ၂း၃၀ နာရီ)
ပထမအကျော့ရလဒ် – ဆာလ်ဇ်ဘာ့ဂ် (၁-၁) ဘိုင်ယန်မြူးနစ်
ဘိုင်ယန်မြူးနစ်အသင်းက ပထမအကျော့ပွဲမှာ ဆာလ်ဇ်ဘာ့ဂ်ကို မထင်မှတ်ဘဲ သရေကစားခဲ့တယ်။ ဆာလ်ဇ်ဘာ့ဂ်ရဲ့ကစားပုံက မဆိုးဘူးလို့ ပြောရမှာဖြစ်ပြီး ဘိုင်ယန်မြူးနစ်ရဲ့ ဖိအားပေးခြင်းကိုခံရပေမဲ့ တန်ပြန်တိုက်စစ်တွေနဲ့ ပြန်ခြိမ်းခြောက်နိုင်ခဲ့တာ တွေ့ရတယ်။ ဘိုင်ယန်မြူးနစ်အသင်းရဲ့ တိုက်စစ်ပိုင်းကစားပုံက နောက်ပိုင်းပွဲတွေမှာ နည်းနည်းကျလာပြီး ဂိုးသွင်းနှုန်းလည်း နည်းလာတယ်။ ဒါပေမဲ့ ဆာလ်ဇ်ဘာ့ဂ်ကို အနိုင်ကစားဖို့တော့ အခက်အခဲမရှိပါဘူး။
