မန်စီးတီး – အက်သလက်တီကို (မြန်မာစံတော်ချိန် ဧပြီလ ၆ ရက် နံနက် ၁း၃၀ နာရီ)
ဥရောပမှာ တိုက်စစ်ကစားပုံ စိတ်ဝင်စားစရာအကောင်းဆုံးအသင်းနဲ့ ခံစစ်ပိုင်းအားအကောင်းဆုံး၊ အကျစ်လျစ်ဆုံးအသင်းတွေထဲက တစ်သင်းဖြစ်တယ်။ မတူခြားနားတဲ့ ကစားပုံနဲ့ ထိပ်တိုက်ရင်ဆိုင်ကြတဲ့အခါ စိတ်ဝင်စားစရာကောင်းတဲ့ ထိပ်တိုက်တွေ့ဆုံမှုလည်းဖြစ်တယ်။ မန်စီးတီးကွင်းလယ်လူ ရိုဒရီက အသင်းဟောင်းနဲ့ ပြန်ဆုံတွေ့နေတာဖြစ်ပြီး မန်စီးတီးကစားသမားတွေရဲ့ ဖန်တီးမှုစွမ်းရည်ကို အက်သလက်တီကို ဘယ်လိုရပ်တန့်မလဲဆိုတာကို စောင့်ကြည့်ရမယ်။ ပုံမှန်အားဖြင့်တော့ ဂွါဒီယိုလာနဲ့ ဆီမြွန်နီတို့ စပိန်မှာ ကာလရှည်ထိပ်တိုက်တွေ့ဆုံခဲ့ဖူးပြီး ဂွါဒီယိုလာသာပေမဲ့ အကြိတ်အနယ်ဖြစ်လေ့ရှိပါတယ်။ ဒီပွဲလည်း မန်စီးတီး နိုင်ဖို့များပေမဲ့ (၂-၁)လောက်ပဲ ဖြစ်မယ်။
ဘင်ဖီကာ – လီဗာပူးလ် (မြန်မာစံတော်ချိန် ဧပြီလ ၆ ရက် နံနက် ၁း၃၀ နာရီ)
လီဗာပူးလ်အသင်းက အိမ်ကွင်း၊ အဝေးကွင်းမရွေးတဲ့ အသင်းတစ်သင်းဖြစ်ပြီး ပေါ်တိုနဲ့ ထိပ်တိုက်တွေ့ဆုံမှုတွေမှာ ကစားခဲ့တာကို ကြည့်ရင် ဘင်ဖီကာကိုလည်း စိုးရိမ်စရာမရှိပါဘူး။ လီဗာပူးလ်အသင်းရဲ့ တိုက်စစ်ပိုင်းကို ဘင်ဖီကာအသင်း ခက်ခက်ခဲခဲ ထိန်းချုပ်ရမှာဖြစ်ပြီး ဘင်ဖီကာရဲ့ ခံစစ်ပိုင်းအားနည်းပုံကလည်း စိုးရိမ်စရာဖြစ်တယ်။ အေဂျက်စ်ကို မထင်မှတ်ဘဲ ကျော်ဖြတ်လာခဲ့ပေမဲ့ ဒီတစ်ကြိမ်တော့ ဘင်ဖီကာ ကံကောင်းတော့မယ်မထင်ဘူး။ လီဗာပူးလ်နိုင်မယ်။
