ဥရောပဘောလုံးအဖွဲ့ချုပ်(UEFA) သည် ချန်ပီယံလိဂ်၊ ယူရိုပါလိဂ်နှင့် ကွန်းဖရန့် လိဂ်ပြိုင်ပွဲများအတွက် မဲခွဲပွဲကို ယနေ့ ပြုလုပ်သွားမည်ဟု သိရသည်။
အဆိုပါပြိုင်ပွဲ(၃)ရပ်စလုံးမှာ ရှုံးထွက် (၁၆)သင်းအဆင့် ယှဉ်ပြိုင်ခဲ့ပြီးပြီဖြစ်၍ ကွာတားဖိုင်နယ်နှင့် ဆီမီးဖိုင်နယ်အဆင့်အတွက် မဲခွဲပွဲ ပြုလုပ်သွားမည်ဖြစ်သလို၊ ဗိုလ်လုပွဲ၌ အိမ်ရှင်အဖြစ်ယှဉ်ပြိုင်ရမည့်အသင်း (အိမ်ကွင်းဝတ်စုံဝတ်ဆင်ခွင့်ရမည့်အသင်း)ကိုလည်း ရွေးချယ်သွားမည်ဖြစ်သည်။
ကွာတားဖိုင်နယ်အဆင့်၌ မည်သည့်ကန့်သတ်ချက်မျှ မရှိတော့သည့်အတွက် အသင်းတိုင်း ဆုံတွေ့နိုင်ခြေရှိနေသည်။
ချန်ပီယံလိဂ်ပြိုင်ပွဲအတွက် မဲခွဲပွဲကို မြန်မာစံတော်ချိန် ညနေ (၅း၃၀)နာရီတွင် စတင်ပြုလုပ်မည်ဖြစ်ပြီး ယူရိုပါလိဂ်ပြိုင်ပွဲအတွက် မဲခွဲပွဲကို မြန်မာစံတော်ချိန် ည (ရးဝ၀)နာရီ၊ ကွန်းဖရန့်လိဂ်ပြိုင်ပွဲအတွက် မဲခွဲပွဲကို မြန်မာစံတော်ချိန် ည(၈း၃၀)နာရီတွင် ပြုလုပ်မည်ဖြစ်သည်။
ချန်ပီယံလိဂ်ကွာတားဖိုင်နယ်ပကျော့ကို ဧပြီ(၅၊ ၆)၊ ကျန်ပြိုင်ပွဲနှစ်ခု၏ ကွာတားဖိုင်နယ်ပကျော့ကို ဧပြီ(၇)တွင် ယှဉ်ပြိုင်ကစားမည်ဖြစ်သည်။
