မန်စီးတီးအသင်းသည် ပြီးခဲ့သည့်အင်္ဂါနေ့က ကစားခဲ့သောပွဲတွင် ရီးယဲလ်အသင်းကို အနိုင်ရပြီးနောက် ချန်ပီယံလိဂ် ပြိုင်ပွဲသမိုင်းတွင် ရီးယဲလ်အသင်းကို (၃)ပွဲဆက် အနိုင်ရသည့် ပထမဆုံးအင်္ဂလိပ်ကလပ်အသင်းအဖြစ် မှတ်တမ်းဝင်ခဲ့ကြောင်း သိရှိရသည်။
မန်စီးတီးအသင်းသည် ချန်ပီယံလိဂ် ဆီမီးဖိုင်နယ် ပထမအကျော့ပွဲတွင် အိမ်ကွင်း၌ ရီးယဲလ်အသင်းကို (၄-၃)ဂိုးဖြင့် အနိုင်ရခဲ့ခြင်းဖြစ်သည်။ အဆိုပါနိုင်ပွဲမှာ မန်စီးတီးအသင်းအတွက် ချန်ပီယံလိဂ်ပြိုင်ပွဲသမိုင်းတွင် ရီးယဲလ်ကို (၃)ပွဲဆက်တိုက် အနိုင်ရခဲ့ခြင်းဖြစ်ပြီး ယင်းကဲ့သို့လုပ်နိုင်သည့် ပထမဆုံး အင်္ဂလိပ်ကလပ်အသင်းအဖြစ် မှတ်တမ်းဝင်ခဲ့ကြောင်း သိရသည်။
မန်စီးတီးအသင်းသည် ၂၀၁၉-၂၀ ရာသီကလည်း ချန်ပီယံလိဂ်ရှုံးထွက် (၁၆) သင်းအဆင့်၌ ရီးယဲလ်နှင့်တွေ့ ဆုံခဲ့ပြီး ယင်းတွေ့ဆုံမှုတွင် မန်စီးတီးအသင်းသည် အဝေးကွင်းရော အိမ်ကွင်းမှာ (၂-၁)ဂိုးရလဒ်များဖြင့် အနိုင်ရခဲ့ခြင်းဖြစ်သည်။
ထို့ကြောင့် မန်စီးတီးအသင်းသည် ချန်ပီယံလိဂ်ပြိုင်ပွဲသမိုင်းတွင် ရီးယဲလ်အသင်းကို (၃)ပွဲဆက်အနိုင်ရသည့် ပထမဆုံးအင်္ဂလိပ်ကလပ်အသင်းအဖြစ် မှတ်တမ်းဝင်ခဲ့ပြီး အခြားအင်္ဂလိပ်ကလပ်အသင်းများမှာ ရီးယဲလ်အသင်းနှင့် ချန်ပီယံလိဂ်ပြိုင်ပွဲ ၌ တွေ့ဆုံရာတွင် အများဆုံး (၂)ပွဲ ဆက်သာ အနိုင်ရရှိဖူးကြောင်း သိရှိရသည်။
