ဘာစီလိုနာအသင်းနှင့် အာဆင်နယ်အသင်းတို့သည် ဘရာဇီးလ်ကွင်းလယ်တိုက်စစ်ကစားသမား ကော်တင်ဟို၏ အပြောင်းအရွှေ့အတွက် ဆွေးနွေးနေကြောင်း ဗြိတိန်သတင်းစာ The Sun က ဖော်ပြခဲ့သည်။
ဘာစီလိုနာအသင်းသည် ကော်တင်ဟိုကို ရောင်းထုတ်ရန် ဆန္ဒရှိနေပြီး ဂန်ဒူဇီနှင့် အလိုက်ပေးကမ်းလှမ်းရန် အာဆင်နယ်အသင်းအား တောင်းဆိုခဲ့ကြောင်းလည်း သိရသည်။
အာဆင်နယ်အသင်းသည် ပြင်သစ်ကွင်းလယ်ကစားသမား ဂန်ဒူဇီကို ယခုနောက်ပိုင်းပွဲစဉ် များတွင် အသုံးပြုခြင်းမရှိတော့ဘဲ ရောင်းထုတ်သွားရန် သို့မဟုတ် ကစားသမားသစ်ခေါ်ယူရာတွင် အလိုက်ပေးကမ်းလှမ်း သွားရန် စီစဉ်နေကြောင်းလည်း သတင်းများထွက်ပေါ်နေသည်။
![](https://sportsmyan.com/wp-content/uploads/2020/07/Philippe-Coutinho-2-1024x536.jpg)
ကော်တင်ဟိုကလည်း ပရီးမီးယားလိဂ်သို့ ပြန်လည်ပြောင်း ရွှေ့ကစားရန် ဆန္ဒရှိနေပြီး ၎င်းကို ခေါ်ယူရန် အာဆင်နယ်အသင်း၏ မြို့ခံပြိုင်ဘက် စပါးအသင်းကလည်း စိတ်ဝင်စားနေကြောင်း သိရသည်။
အသက် (၂၈)နှစ်အရွယ်ရှိ ဘရာဇီးလ်ကွင်းလယ်ကစားသမား ကော်တင်ဟိုသည် ဘာစီလိုနာအသင်းတွင် နေရာမရသဖြင့် ယခုရာသီတွင် ဘိုင်ယန်မြူးနစ်အသင်းထံသို့ တစ်ရာသီအငှားဖြင့် သွားရောက်ခဲ့ရသည်။
၎င်းသည် ဘိုင်ယန်မြူးနစ်အသင်းအတွက် ယခုရာသီပြိုင်ပွဲစုံ (၃၄)ပွဲတွင် (၉)ဂိုး သွင်းယူပေးထားသည်။