ဘီလ်ဘာအိုအသင်း၏ တိုက်စစ်မှူး အီညာကီဝီလျံစ်က ဂါနာလက်ရွေးစင်အသင်းဖော် ကူဒူစ်သည် အေဂျက်စ်အသင်းမှ ထွက်ခွာရန် အချိန်တန်ပြီဖြစ်ကြောင်း အကြံပြုပြောကြားခဲ့သည်။
ဂါနာကွင်းလယ်လူ မိုဟာမက်ကူဒူစ်(၂၂ နှစ်)သည် ကမ္ဘာ့ဖလားပြိုင်ပွဲတွင် ခြေစွမ်းပြနေသောကြောင့် လီဗာပူးလ်နှင့် အဲဗာတန်အပါအဝင် ပရီးမီးယားလိဂ်ထိပ်သီးအသင်းအချို့က စိတ်ဝင်စားနေကြသည်။
ထို့ကြောင့် အေဂျက်စ်အသင်းနှင့် ၂၀၂၅ ခုနှစ်အထိ စာချုပ်ချုပ်ဆိုထားသော ကူဒူစ်ကို အသင်းပြောင်းရွှေ့သင့်ပြီဟု အီညာကီဝီလျံစ်က အကြံပြုခဲ့ခြင်းဖြစ်သည်။
အသက် (၂၂) နှစ်အရွယ်ရှိ ကူဒူစ်သည် ယခုရာသီ အေဂျက်စ်အသင်းတွင် ခြေစွမ်းပြနေပြီး ပြိုင်ပွဲစုံ (၂၁) ပွဲတွင် (၁၀) ဂိုး သွင်းယူထားသည်။
ထို့ကြောင့် ၎င်းကို ခေါ်ယူရန် ဥရောပထိပ်တန်းအသင်းများက စိတ်ဝင်စားနေကြကြောင်းလည်း သိရှိရသည်။
