လာဇီယို – အူဒီးနီးစ် (မြန်မာစံတော်ချိန် ဇန်နဝါရီလ ၁၈ ရက် ည ၁၁း၃၀ နာရီ)
လာဇီယိုအသင်းက ကိုပါအီတာလီယာမှာ အစဉ်အလာကောင်းတွေရှိတဲ့အသင်းဖြစ်ပြီး အလတ်အလတ်နဲ့ အသင်းငယ်တွေနဲ့ တွေ့ဆုံမှုတွေမှာ နောက်ပိုင်းနှစ်တွေထဲ ခြေချော်မှုမရှိသလောက် ရှားပါတယ်။ ရောမမြေလည်းဖြစ်လို့ လာဇီယို အနိုင်ကစားမှာပါ။
ဂျူဗင်တပ်စ် – ဆမ်ဒိုးရီးယား(မြန်မာစံတော်ချိန် ဇန်နဝါရီလ ၁၉ ရက် နံနက် ၂း၃၀ နာရီ)
ဂျူဗင်တပ်စ်အသင်းက အီတလီစူပါဖလားပွဲမှာ အင်တာမီလန်အသင်းကို အရေးနိမ့်ခဲ့တာကလွဲလို့ ရလဒ်ပိုင်းအရတော့ တည်ငြိမ်မှုရှိနေတယ်လို့ ဆိုရမယ်။ ခီယေဆာကို ကာလရှည်ဆုံးရှုံးခဲ့ရပြီးနောက် နည်းပြ အယ်လီဂရီက ၄-၃-၃ အစား ၄-၄-၂၊ ၄-၄-၁-၁ အလျဉ်းသင့်သလို ကစားနေပြီး ကွင်းလယ်ကစားသမား မက်ကန်နီးကို ဘယ်တောင်ပံထုတ်ထားတာက အထိုက်အလျောက်အလုပ်ဖြစ်နေတယ်။ ဆမ်ဒိုးရီးယားအသင်းက (၅)ပွဲဆက်နိုင်ပွဲပျောက်ထားပြီး ရုန်းကန်နေရတယ်။ တူရင်မြေလည်းဖြစ်လို့ ဂျူဗင်တပ်စ်အသင်း ဂိုးပြတ်ဖို့များတယ်။
