ဘာစီလိုနာအသင်းနည်းပြ ရော်နယ်လ်ကိုးမန်းက မိိမိအနေဖြင့် အသင်း၏ကစားသမားများကို မယုံကြည်ပါက အလုပ်လုပ်တော့မည်မဟုတ်ကြောင်း ပြောကြားခဲ့သည်။
လက်ရှိတွင် ဘာစီလိုနာအသင်းမှာ လာလီဂါ ပြိုင်ပွဲတွင် ဖိအားများနှင့် ကြုံတွေ့နေရပြီး ကိုးမန်းအနေဖြင့် ကစားသမားများ နှင့် ဆက်ဆံရေးအဆင်မပြေကြောင်း သတင်းများထွက်ပေါ်နေမှုအပေါ် ယခုကဲ့သို့ တုံ့ပြန်ခဲ့ခြင်းဖြစ်သည်။
ကိုးမန်းက “ကျွန်တော့်အနေနဲ့ အသင်းက ကစားသမားတွေအပေါ် စိတ်ချယုံကြည်မှုမရှိဘူးဆိုရင် ဒီအလုပ်ကို ကျွန်တော်လုပ်မနေတော့ပါဘူး။ ကျွန်တော့်အနေနဲ့ ဒီအသင်းမှာ သက်သောင့်သက်သာရှိပါတယ်။ ကျွန်တော်တို့အနေနဲ့ တိုးတက်မှုတွေရှိအောင်ကြိုးစားသွားမှာပါ” ဟု ပြောကြားခဲ့သည်။
ဘာစီလိုနာအသင်းသည် လာလီဂါပွဲစဉ် ၁၁ ပွဲ ကစားပြီးချိန်တွင် ၄ ပွဲရှုံးနိမ့်ထားပြီး အဆင့် ၈ နေရာသို့ရောက်ရှိနေသည်။
