မန်ယူအသင်း၏ နောက်ခံလူ ဗာရန်းက ရီးယဲလ်အသင်းဖော်ဟောင်း ကက်စီမီရို ရောက်ရှိလာသည့်အတွက် အလွန်စိတ်လှုပ်ရှားမိသည်ဟု ပြောကြားခဲ့သည်။
အသက် (၃၀) အရွယ်ရှိ ဘရာဇီးလ်ကွင်းလယ်ကစားသမား ကက်စီမီရိုသည် ယခုနွေတွင် ရီးယဲလ်အသင်းမှ မန်ယူအသင်းသို့ ပြောင်းရွှေ့ကြေး ပေါင်သန်း (၇၀) ဖြင့် ရောက်ရှိလာသူ ဖြစ်သည်။
ထို့ပြင် ကက်စီမီရိုသည် စိန်ခေါ်မှုအသစ်ကို ရင်ဆိုင်လိုခြင်းကြောင့် မန်ယူအသင်းကို ရွေးချယ်ခဲ့ခြင်းဖြစ်ပြီး အင်္ဂလန်မြေ တွင် အောင်မြင်မှုရယူနိုင်မည့်သူဖြစ်သည်ဟုလည်း ဆိုခဲ့သည်။
ဗာရန်းက “သူ့အရည်အသွေး ဘယ်လောက်ကောင်းသလဲဆိုတာ သိနေတာကြောင့် ကျွန်တော် အရမ်းစိတ်လှုပ်ရှားမိပါတယ်။ မန်ယူကို သူ ဘာကြောင့်ပြောင်းလာသလဲဆိုတာ ကျွန်တော် သေချာသိပါတယ်။ သူက စိန်ခေါ်မှုအသစ်အတွက် အခုလိုရွေးချယ်ခဲ့တာပါ”ဟု ပြောကြားခဲ့သည်။
ဗာရန်းနှင့် ကက်စီမီရိုတို့သည် ရီးယဲလ်အသင်းတွင် တွဲဖက်ကစားခဲ့ကြသူများဖြစ်ပြီး ဆုဖလားများစွာ ရယူနိုင်ခဲ့ကြသည်။
